पोलिसाला धक्का देत, आरोपींचे बेड्यांसह पलायन

Image result for पोलिस

राहुरी : हातात बेड्या घातलेल्या दोन आरोपींनी पोलिसांना जोराचा धक्का देऊन पलायन केल्याने पोलिस दलात खळबळ उडाली आहे. पुणे ग्रामीण पोलिस आरोपींना घेऊन अधिक तपासासाठी राहुरी व संगमनेर हद्दीतील संशयित सहभागी आरोपीला ताब्यात घेण्यासाठी आले होते.

 मात्र, पोलिसांना धक्का देत आरोपींनी पोलिसांच्याच हातावर तुरी देत पलायन केले. ही घटना शुक्रवारी रात्री नऊच्या सुमारास घडली. या संदर्भात राहुरी पोलिस ठाण्यात गुन्हा नोंदविण्यात आला आहे. राहुरी पोलिसांनी दिलेली अधिक माहिती अशी की, 'आरोपी राजेंद्र बन्सी वारे (वय १९, रा. पळशी-माळवाडी, ता. पारनेर) व दुसरा आरोपी अविनाश वामन मधे (वय २०, रा. म्हसोबा झाप पोखरी, ता. पारनेर) यांना अधिक तपासाठी आणले होते.

मात्र, जोराचा धक्का देत आरोपींनी बेड्यांसह पलायन केले. त्यांचा पाठलाग करत असताना आरोपींनी दगडफेक केल्याने यात पोलिस उपनिरिक्षक पांचाळ यांचे डाव्या पायाला दुखापत झाली. डोंगराळ परिसर असल्याने आरोपींनी फायदा उचलला. पोलिस नाईक राजेंद्र मारुती हिले मंचर (पुणे) यांनी राहुरी पोलिस ठाण्यात फिर्याद दिली आहे. पुढील तपास पोलिस‍ निरिक्षक हनुमंत गाडे करीत आहेत.

Post a Comment

[blogger]

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget