.विचारवेध.........




तुमचे जीवन फक्त तुमचेच आहे असे नाही,जर तुम्ही जीवनाला कंटाळून जीवन संपविण्याचा विचार,प्रयत्न करत असाल तर थांबा...तुमच्या जीवनावर तुमच्यासोबत इतरांचाही अधिकार आहे आणि त्यांचे जीवनही अवलंबून आहे.तुमच्यानंतर पाठीमागे असणाऱ्या कुटुंबातील व्यक्तींचे काय हाल होतील याचा विचार करा.जेव्हा हक्काचा माणूस जातो तेव्हा संकटे,अडचणी ह्या वाढतात,समाजाचा बघण्याचा दृष्टीकोन खालच्या पातळीवर जाऊन ठेपतो.क्षणाच्या त्रासापायी आयुष्य संपविणारे,आयुष्यभरासाठी आपल्या कुटुंबाला दुःखाच्या खाईत खितपत पडण्यासाठी सोडून देतात.खूप विचित्र दुनिया आहे ही,स्वार्थासाठी पायात घुटमळणारे,स्वार्थ संपला की ओळखही विसरतात.तुमच्या पाठीमागे तुमचे कुटुंब सुखी,समाधानी राहील याची व्यवस्था नक्की करा.एक लक्षात असू द्या,आपले वाटणारे लोक संकटकाळी आपले नसतात.तुमच्या आयुष्याच्या आधारावर अनेकांची जीवन नौका तरंग घेत असते.ती डुंबायची की पैलतीरी न्यायची हे तुम्ही ठरवायचे आहे.संसारगाडा ओढताना खूप अडथळे येतात,ते येउद्या पण त्याने खचून जाऊ नका,आयुष्य हे वारंवार मिळणारी गोष्ट नाही ते ऐवढ्यात संपविण्याचा विचार करू महापाप करू नका.ऐकवेळ तुमचे कुटुंब डोळ्यासमोर आणा,वय झालेले वृद्ध आईवडीलांचा विचार करा आणी मग काय निर्णय घ्यायचा तो घ्या.लक्षात असू द्या तुमचे कुटुंब हे तुमच्यावर निर्भर आहे,त्यांच्या भविष्याचा विचार करा.तुमच्या जीवनावर उदार होऊन एका क्षणात तुमच्या जीवनावर अधिकार असणाऱ्या कुटुंबाला परकं करू नका...!

तुषार उत्तमराव दाभाडे.
९९६०९२३३७७
Labels:

Post a Comment

[blogger]

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget