April 2019



'महाराष्ट्राचा इतिहास हा शोर्य,पराक्रम,आत्मबलिदान,साहस,अशा कितीतरी उल्लेखनीय गोष्टीनी जगभर गाजला आहे. जेव्हा आपण इतिहास वाचतो तेंव्हा शरीरावरील शहारे अजुनच शहारत जातात.महाराष्ट्र म्हणजे पराक्रमाची खाण,शूरवीरांची जन्मभूमी, साधुसंतांची पावनभूमी, विचारवतांची लेखणी,तलवारीचा खणखणाट आणी तोफगोळ्यांचा आवाज,अरे....कसे वर्णन करावे या महाराष्ट्राचे इथे तर पावलोपावली 'इतिहास निर्माते'भेटतात.ज्या क्षेत्रात जाईल,त्या क्षेत्रात इतिहासाचे सुवर्णपान लिहुन दाखविण्याची क्षमता या महाराष्ट्राने येथील माणसांना दिलीय.ज्या महाराष्ट्राने कधीकाळी दिल्लीचे तख्त ही हादरविले होते तेथे या 'पाकड्यांची'काय मजाल. काय माहित त्या 'नामर्दांना'या भूमीत माणसं नाही तर 'वाघ'राहतात.जेव्हा वाघाची 'दहाड गर्जना'होते,तेव्हा भलेभले आपल्या 'नांग्या'टाकुन शरणागती पत्करतात.येथे जो जन्मतो तो हेच म्हणतो,"मी महाराष्ट्राचा,महाराष्ट्र माझा".


कौतुके महाराष्ट्राची-


गावी कौतुके महाराष्ट्राची
गडे आपुल्या प्रेमळ कंठी
साधू संत महामुनी
झाले जसे वशिष्ठी


गोदावरी,भीमा,कृष्णा
तापी अन नर्मदा
चरण तुझे धुता
भाग्य पावला अरबी समुद्रा


अष्ट गणेशा,पंच ज्योतिर्लिंगा
महाराष्ट्रा तुझ्याच पोटा
शिरे वरी तुझ्या शोभतो
तेज कळसुबाई मुकुटा


थळ,भोर,कुंभार्ली,
आंबा,फोंडा,आंबोली
तिन्ही ऋतुत देतात
तुला मायेची सवली


सातपुडा,सातमाला,बाला
महादेव तुझ्या दुतर्फा
ज्ञाना, तुका,एकनाथ
आहे तुझ्याच गर्भा


झाले किती शूरवीर
साक्षी तू सर्वांचा
म्हणून म्हणतो गावा
गौरव तुझ्या कीर्तीचा


महाराष्ट्र देशा,
माझ्या महाराष्ट्र देशा.


Copyright@


✍🏻...तुषार उत्तमराव दाभाडे.
९९६०९२३३७७


नवी दिल्ली : सुप्रीम कोर्टानेही ‘चौकीदार चोर है’ म्हटलंय, या वक्तव्याबद्दल काँग्रेस अध्यक्ष राहुल गांधी यांनी अखेर माफी मागितली आहे. राहुल गांधी यांनी या वक्तव्याबद्दल ज्याप्रकारे दिलगिरी व्यक्त केली होती, त्यावरुन सुप्रीम कोर्टाने खंत व्यक्त करत राहुल गांधींना फटकारलंही होतं. “दिलगिरी व्यक्त करण्यासाठी 22 पानांचं प्रतिज्ञापत्र सादर केलं जातं का?”
भाजपच्या खासदार मिनाक्षी लेखी यांनी ‘चौकीदार चोर है’ या राहुल गांधी यांच्या वक्तव्याबाबत सुप्रीम कोर्टात अवमान याचिका दाखल केली होती.

राहुल गांधी यांनी आपल्या दुसऱ्या प्रतिज्ञापत्रात कंसात दिलगिरी व्यक्त केली होती. त्याबद्दल सरन्यायाधीश रंजन गोगोई, न्या. दीपक गुप्ता आणि न्या. संजीव खन्ना यांच्या खंडपीठाने काँग्रेस अध्यक्ष राहुल गांधी यांना फटकारताना म्हटलं, “कंसात दिलगिरी व्यक्त करण्याचा अर्थ काय आहे?”

सुप्रीम कोर्टाच्या हवाल्याने ‘चौकीदार चोर है’ म्हणणं चूक होतं, असं राहुल गांधींची बाजू मांडणारे वकील अभिषेक मनु सिंघवी यांनी सुप्रीम कोर्टात सांगितलं. तसेच, राहुल गांधींच्या वतीने याप्रकरणी पहिल्यांदा सुप्रीम कोर्टात ‘माफी’ शब्दाचा उल्लेख करण्यात आला. पुढील सोमवारी राहुल गांधी यांच्याकडून ‘माफी’ शब्दाचा उल्लेख असलेलं प्रतिज्ञापत्र सादर केलं जाईल.


मुंबई : मनसे अध्यक्ष राज ठाकरे यांची सीआयडी चौकशी करा, अशी मागणी करणारी याचिका हायकोर्टात दाखल करण्यात आली आहे. पत्रकार एस बालकृष्णन यांनी ही याचिका दाखल केली आहे. राज ठाकरे यांनी राष्ट्रीय सुरक्षेबाबत वादग्रस्त वक्तव्य केल्याचा आरोप करत ही याचिका दाखल करण्यात आली आहे.

बालकृष्णन यांनी राज ठाकरे यांनी पुलवामा हल्ल्याबाबत केलेल्या वक्तव्याला आक्षेप घेतला आहे. देशात पुन्हा एकदा पुलवामासारखा हल्ला होऊ शकतो, असं राज ठाकरे विविध सभांमध्ये सांगत आले आहेत. त्यामुळे बालकृष्णन यांनी त्यांचं हे वक्तव्य म्हणजे राष्ट्रीय सुरक्षेला धोका निर्माण करणार असल्याचं म्हटलं आहे.


मुंबई : राष्ट्रवादी काँग्रेसचे अध्यक्ष शरद पवार यांनी माढ्यातून माघार घेतल्यानंतर या वयात त्यांना एवढी धावपळ होणार नाही, अशी टीका करण्यात आली. पण या लोकसभा निवडणुकीत पवारांनी तरुण नेत्यांनाही लाजवणारा प्रचार केला. 78 वर्षीय शरद पवारांनी राज्यातील 48 मतदारसंघांमध्ये 80 पेक्षा जास्त सभा घेतल्या. ज्या जागा जिंकण्याचा विश्वास आहे तिथे जास्त जोर लावत त्यांनी दोन पेक्षा जास्त सभा घेतल्या आणि स्थानिक पातळीवरील नेत्यांशीही संवाद साधला. महाराष्ट्रातील मतदानाचा शेवटचा टप्पा संपल्यानंतरही त्यांनी आराम केला नाही. मतदान करुन ते दुष्काळी दौऱ्यासाठी रवाना झाले.

तरुणांनाही लाजवणारा पवारांचा प्रचार

राज्यातील रखरखत्या उन्हात शरद पवारांनी स्वतःची संपूर्ण ताकद पणाला लावली. गेल्या निवडणुकीत राष्ट्रवादी काँग्रेसच्या माढा, सातारा, कोल्हापूर आणि बारामती या चारच जागा निवडून आल्या होत्या. पण त्यांनी यावेळी योग्य ते नियोजन आखत जिंकण्याची शक्यता असलेल्या मतदारसंघांमध्ये जास्तीत जास्त सभा घेण्याचा प्रयत्न केला. शरद पवारांनी आपल्या मतदारसंघात येणं हे देखील राष्ट्रवादीच्या कार्यकर्त्यांना बळ देणारं असतं. त्यामुळेच त्यांनी बीड, शिरुर, मावळ, अहमदनगर अशा जवळपास 15 मतदारसंघांमध्ये जास्त लक्ष ठेवलं.


मुंबई : लोकसभा निवडणुकीसाठी राज्यातील चारही टप्प्यातील मतदान पार पडलंय. पण निकालासाठी 23 मेपर्यंत वाट पाहावी लागणार आहे. निकालासाठी आतूर असलेले कार्यकर्ते आकड्यांची जुळवाजुळव करुन आपला उमेदवार कसा विजयी होईल हे पटवून देत आहे. राज्यातील गावोगावी हे वातावरण दिसून येत आहे. तर याबाबतचे मेसेजही आता सोशल मीडियावर व्हायरल होत आहेत.

कोल्हापूर आणि हातकणंगले लोकसभेचा निकाल लवकर जाहीर करावा.

इथे आकडेमोड करून सर्वच कार्यकर्ते गणिततज्ञ व्हायला लागलेत.

कितीचं_लिड

हा मेसेज सोशल मीडियावर जोरात व्हायरल होतोय. हा मेसेज फक्त कोल्हापूर आणि हातकणंगलेचा असेल तरी प्रत्येक जण आपल्या मतदारसंघाचं नाव टाकून मेसेज पुढे ढकलत आहे. कोणत्या मतदारसंघातून आणि कोणत्या गावातून कितीचं लीड मिळेल याचाही अंदाज कार्यकर्ते बांधत आहेत.


मुंबई/सोलापूर : माळशिरस विधानसभेचे राष्ट्रवादी काँग्रेसचे विद्यमान आमदार हनुमंतराव डोळस यांचे दीर्घ आजाराने निधन झालं. ते 57 वर्षांचे होते. गेल्या तीन- चार दिवसांपासून त्यांची प्रकृती खालावली होती. त्यांच्यावर मुंबईतील सैफी रुग्णालयात उपचार सुरु होते. मात्र उपचारादरम्यानच त्यांची प्राणज्योत मालवली. काल रात्रीपासून त्यांच्या निधनाची अफवा पसरली होती.

हनुमंतराव डोळस हे माळशिरस तालुक्यातील दसूर गावचे रहिवाशी होते. 2009 पासून माळशिरस मतदारसंघ अनुसूचित जाती प्रवर्गासाठी राखीव झाल्यापासून, डोळस या मतदारसंघाचं प्रतिनिधीत्व करत होते.


रायगड : लोकसभा निवडणुकीच्या चौथ्या टप्प्यात राज्यातील 17 जागांसाठी 57 टक्के मतदान झालंय. या 17 जागांमध्ये सर्वात लक्ष लागलेली लढत म्हणजे मावळची जागा आहे. इथे पवार कुटुंबातली तिसरी पिढी म्हणजे पार्थ पवार निवडणूक लढवत आहेत, तर त्यांच्यासमोर शिवसेना-भाजप युतीचे उमेदवार श्रीरंग बारणे यांचं आव्हान आहे. 

मावळ मतदारसंघात रायगड जिल्ह्यातील तीन तालुके येतात आणि याच तीन तालुक्यांवर पार्थ पवारांची मदार असल्याचं बोललं जातं. या तीनही तालुक्यांमध्ये मोठ्या प्रमाणात मतदान झालं आहे. त्यामुळे उमेदवारांची धाकधूक वाढली आहे.

वाढलेल्या मतदानाचा फायदा कुणाला?

मावळ मतदारसंघात एकूण अंदाजे 58.21 टक्के मतदान झालंय. अंतिम आकडा अजून जाहीर केला जाणार आहे. पण सुरुवातीच्या आकडेवारीनुसार, पनवेल, उरण आणि कर्जत या विधानसभा मतदारसंघांमध्ये मोठ्या प्रमाणात मतदान झालंय. मावळ मतदारसंघात पनवेल, उरण, कर्जत, चिंचवड, पिंपरी आणि मावळ हे मतदारसंघ येतात. 

यापैकी कर्जत, पनवेल आणि उरणमध्ये मतदारांनी मोठ्या प्रमाणात मतदान केलंय. यावर टीव्ही 9 मराठीने राष्ट्रवादीचे आमदार सुरेश लाड आणि भाजपचे पनवेलचे आमदार प्रशांत ठाकूर यांच्याशी चर्चा करुन वाढलेल्या मतदानाचा फायदा कुणाला याचा अंदाज जाणून घेतलाय.


मुंबई : गोरेगाव येथील कामा इंडस्ट्रीयल इस्टेटमध्ये भीषण आग लागली आहे. अग्निशमन दलाच्या 12 गाड्या, 8 वॉटर टँकर घटनास्थळी दाखल झाले असून, आग विझवण्यासाठी शर्थीचे प्रयत्न सुरु आहेत. आग विझवताना अग्निशमन दलाचा कर्मचारी जखमी झाला आहे. मध्यरात्री दोन-अडीच वाजण्याच्या सुमारास आग लागली.

आग लागून पाच तास झाले, तरीही आग विझवण्यात यश आले नाही.

कामा इंडस्ट्रीयल इस्टेटच्या शेजारीच धर्मा प्रॉडक्शनचं गोदाम आहे. या गोदामालाही आग लागली आहे. धर्मा प्रॉडक्शनमधील महत्त्वाचे साहित्य जळून खाक झाले असून, धर्मा प्रॉडक्शनचे मोठे नुकसानही झाले आहे.


पुणे : स्वयंपाकाच्या गॅस सिलेंडरला गळती लागल्याने अर्थात गॅस सिलेंडर लीकेज झाल्याने आई आणि मुलगा भाजला आहे. पुण्यातील गुरुवार पेठेतील एका इमारतीच्या तिसऱ्या मजल्यावर ही घटना घडली.

गॅस सिलेंडर लीकेजमुळे ही आग लागली. या आगीत अनुपमा जोशी (वय 55) आणि त्यांचा मुलगा हेमांश जोशी (वय 30) हे दोघे भाजले. या आगीची माहिती मिळताच अग्निशमन दलाने तातडीने घटनास्थळी धाव घेत, आगीवर नियंत्रण मिळवलं. मात्र या आगीत अनुपमा जोशी गंभीर जखमी झाल्या आहेत. तर त्यांच्या मुलाला किरकोळ जखम झाली आहे. सध्या दोघांवर खासगी रुग्णालयात उपचार सुरु आहेत.



मुंबई : महाराष्ट्रातील चौथ्या आणि शेवटच्या टप्प्यात सायंकाळी सहा वाजेपर्यंत अंदाजे 57 टक्के मतदान झालंय. 17 जागांसाठी हे मतदान झालं. राज्यामध्ये चार टप्प्यात एकूण सरासरी 60.68 टक्के इतके मतदान झाल्याची माहिती निवडणूक आयोगाने दिली. राज्यात एकूण 8 कोटी 85 लाख 64 हजार 98 इतक्या मतदारांपैकी 5 कोटी 37 लाख 41 हजार 204 इतक्या मतदारांनी मतदानाचा हक्क बजावला.

राज्यात चारही टप्प्यात वाढते तापमान असतानाही मतदारांचा उत्साह दिसून आल्याचं मुख्य निवडणूक अधिकारी अश्विनी कुमार यांनी सांगितलं. 2014 च्या निवडणुकीच्या तुलनेत विचार केल्यास मतदानाचं प्रमाण सारखंच आहे. पहिल्या टप्प्यात 7 मतदारसंघासाठी 63.46 टक्के, दुसऱ्या टप्प्यातील 10 मतदारसंघांसाठी 62.88 टक्के, तिसऱ्या टप्प्यातील 14 मतदारसंघांसाठी 62.36 टक्के तर आज झालेल्या चौथ्या आणि शेवटच्या टप्प्यातील 17 मतदारसंघांमध्ये अंदाजे 57 टक्के मतदान झालं.

Image result for जितेंद्र आव्हाड

ठाणे : राष्ट्रवादीचे आमदार जितेंद्र आव्हाड यांनी निवडणूक आयोगाच्या ढिसाळ कारभाराबद्दल संताप व्यक्त केलाय. दोन वर्षांपूर्वी निधन झालेल्या वडिलांचे नाव मतदारयादीत आहे. पण जिवंत असलेल्या अनेक लोकांची नावे मतदार यादीतून गायब झाल्याने त्यांनी संताप व्यक्त केला. विशेष म्हणजे वडिलांचे निधन झाल्याचे कळवूनही त्यांचे नाव मतदार यादीमध्ये आल्याने जितेंद्र आव्हाड यांनी निवडणूक विभागाच्या कारभारावरच प्रश्नचिन्ह निर्माण केलं.

मतदार यादीमधील नावे गायब होणे, मतदान केंद्रावरील असुविधा, अनेक ठिकाणी मशीनचा घोळ आणि रेंगाळलेली मतदान प्रक्रिया अशा सर्व त्रुटींचा सामाना करत ठाणेकरांनी सोमवारी आपला मतदानाचा हक्क बजावला. ठाणे जिल्हा लोकसभा मतदार संघामध्ये एकूण 48.56 टक्के मतदान झाले असून गेल्या वर्षी 50.27 टक्के मतदान झालं होतं. 2014 च्या निवडणुकीत पालघर आणि ठाणे जिल्हा एक होता. यावेळी पालघर आणि ठाणे हे वेगवेगळे झाले आहे.

गेल्या निवडणुकीच्या तुलनेत यंदा 1.71 टक्के मतदान कमी झाले असून याचा फायदा कोणाला होणार हे मतमोजणीनंतरच स्पष्ट होणार आहे. विशेष करून कळवा-मुंब्रा विधासभा मतदारसंघातील अनेक मतदान केंद्रांवर मतदारांना असुविधांचा सामना करावा लागला. ठाण्यातील राजकीय, सामाजिक आणि सांस्कृतिक क्षेत्रातील मान्यवरांनी देखील आपला मतदानाचा हक्क बजावला. पालकमंत्री एकनाथ शिंदे यांनी किसन नगर येथील महापालिकेच्या शाळेत मतदानाचा हक्क बजावला. आमदार जितेंद्र आव्हाड यांनी महाराष्ट्र विद्यालय आणि उमेदवार आनंद परांजपे यांनी बेडेकर विद्यालयमध्ये मतदान केलं. तर महायुतीचे उमेदवार राजन विचारे यांनी सेंट जोन्स शाळेत मतदान केलं.

Image result for आंबा

रत्नागिरी : या वर्षी बदलत्या वातावरणाचा फटका आंबा बागायतदारांना बसल्यामुळे आंब्याचे उत्पादन कमी प्रमाणात आहे. बदललेल्या हवामानाचा फटका कॅनिंग व्यवसायालाही बसला आहे. बाजारातील आवक कमी असल्याने आंबा उत्पादकांमध्ये चिंता आहे. यावर्षी कॅनिंगचे दर किलोमागे २८ रूपयांच्या घरात असून गतवर्षीच्या तुलनेत दर चार ते पाच रूपयांनी कमी आहेत. सध्या कॅनिंग हंगाम सुरू झाल्याने आता आंबा चोरांचाही सुळसुळाट झाला आहे. त्यामुळे आंबा बागायतदारांना या चोरट्यांचाही फटका बसत आहे. मात्र, काही व्यापा-यांनी बागांमध्ये ठेवलेले गुरखे व घेतलेली खबरदारी यामुळे यालाही काही प्रमाणात आळा बसला आहे.

प्रारंभी चांगल्या प्रकारे थंडी पडली व आंबा फुटीला पोषक वातावरण निर्माण झाले. यामुळे यावर्षी आंबा पीक चांगले मिळणार असा अंदाज होता. मात्र, मधल्या काळात वातावरणात कमालीचा बदल झाला. वाढते तापमान आणि वादळी वारा व काही भागात पाऊसही पडला होता.

Image result for धनगर समाज

देवरुख : तरुणांनी धनगर समाजाला दिशा देण्यासाठी स्थापन केलेल्या महाराष्ट्र व्यापक ऋणानुबंध संस्थेच्या माध्यमातून वर्षभरात विविध सामाजिक उपक्रम राबविण्यात येतात. या पार्श्वभूमीवर महाराष्ट्र दिनाचे औचित्य साधत ऋणानुबंध सामाजिक संस्थेचा या वर्षीच्या गुंफण सोहळ्याचे आयोजन बुधवार दि. १ मे रोजी गिरगावातील साहित्य संघ मंदिर येथे करण्यात आले आहे.

या गुंफण सोहळ्यासाठी अ‍ॅड. प्रकाश ऊर्फ बाळासाहेब आंबेडकर यांना निमंत्रित करण्यात आले आहे. धनगर आरक्षण प्रश्नी चळवळ उभी करणारे धनगर नेते गोपीचंद पडळकर यांना या सोहळ्यात उपस्थित धनगर समाजाला मार्गदर्शन करण्यासाठी निमंत्रण देण्यात आले आहे. गुंफण सोहळ्याच्या अध्यक्षपदी कॅबिनेट पदाचा दर्जा असलेले दक्षिण मुंबईतील भाजपचे आमदार राज के. पुरोहित असणार असल्याची माहिती आयोजकांनी दिली आहे. राजू जांगळे, जयसिंग तात्या शेंडगे यांच्यासह विविध क्षेत्रात काम करणा-या धनगर समाजातील मान्यवर मंडळींची उपस्थिती असणार आहे.

Image result for छगन भुजबळ

नाशिक : नाशिक लोकसभा मतदारसंघ निवडणुकीत माजी उपमुख्यमंत्री छगन भुजबळ, उमेदवार समीर भुजबळ यांच्यासह कुटुंबीयांनी आज नाशिकच्या जुने सिडको परिसरातील ग्रामोदय विद्यालय याठिकाणी आपला मतदानाचा हक्क बजावला. दरम्यान उमेदवार समीर भुजबळ यांच्या मातोश्री हिराबाई भुजबळ यांचे नाव मतदार यादीत नाव नसल्याने माजी उपमुख्यमंत्री छगन भुजबळ व उमेदवार समीर भुजबळ यांनी नाराजी व्यक्त केली.

नाशिक लोकसभा मतदारसंघातून राष्ट्रवादी आणि कॉंग्रेससह मित्रपक्षांच्या आघाडीकडून समीर भुजबळ हे निवडणूक लढवीत आहेत. आज सकाळपासूनच समीर भुजबळ व माजी उपमुख्यमंत्री छगन भुजबळ यांनी नाशिक शहर व परिसरातील मतदान केंद्रांना भेटी दिल्या. त्यानंतर सकाळी १० वाजता माजी उपमुख्यमंत्री छगन भुजबळ यांनी आपल्या कुटुंबीयासोबत मतदानाचा हक्क बजावला. यावेळी उमेदवार समीर भुजबळ, आमदार पंकज भुजबळ, डॉ. जितेंद्र वाघ, मीनाताई भुजबळ, डॉ. शेफाली भुजबळ, विशाखा भुजबळ, दुर्गाताई वाघ यांनी आपला मतदानाचा हक्क बजावला. मात्र, समीर यांच्या आई हिराबाई भुजबळ यांचे नाव मतदार यादीत नसल्याने भुजबळ चुलते-पुतण्याने नाराजी व्यक्त केली.



नवी दिल्ली : जवानांना मिळणाऱ्या निकृष्ट जेवणाचा व्हीडिओ सोशल मीडियावर पोस्ट केल्याने बडतर्फ करण्यात आलेला सीमा सुरक्षा दलाचा जवान तेज बहादूर यादव याला समाजवादी पक्षाने वाराणसीतून उमेदवारी जाहीर केली आहे. या मतदारसंघातून पंतप्रधान नरेंद्र मोदी निवडणूक लढवीत आहेत. यापूर्वी वाराणसीतून समाजवादी पक्षाने शालिनी यादव यांना उमेदवारी जाहीर केली होती. ती रद्द करण्यात आली आहे.

२०१७ साली तेज बहादूर यादव यांनी जवानांना मिळणाऱ्या निकृष्ट भोजनाचा व्हीडिओ सोशल मीडियावर शेअर केला होता. जवानांना मिळणाऱ्या आहाराच्या दर्जाबद्दल त्यांनी प्रश्नचिन्ह उपस्थित केले होते. त्याच वर्षी त्यांना सीमा सुरक्षा दलाच्या सेवेतून बडतर्फ करण्यात आले होते.



मुंबई: स्थिर सरकार येणं आवश्यक आहे. आजचा दिवस देशासाठी महत्वाचा आहे. मुंबईकर महत्वाच्या दिवशी मोठ्या संख्येने मतदान हक्क बाजावतील. मुंबईतील मतदान टक्केवारीबाबत काळजी वाटते, पण मुंबई मागे राहणार नाही, अशी आशा राष्ट्रवादी काँग्रेसचे अध्यक्ष शरद पवार यांनी व्यक्त केली.

शरद पवार यांनी नुकतंच एका मुलाखतीत एनडीएला बहुमत न मिळाल्यास, मायावती, ममता बॅनर्जी आणि चंद्राबाबू नायडू पंतप्रधानपदाचे प्रबळ दावेदार आहेत, असं वक्तव्य केलं होतं. त्याबाबत शरद पवार म्हणाले, “माझ्या वक्तव्याचा विपर्यास केला गेला, मला विचारलं राहुल गांधीशिवाय इतर कोण पर्याय आहे, तर त्यावर मी म्हटलं की मायावती, ममता, चंद्राबाबू नायडू अशी नावं आहेत. ज्यांनी मुलाखत छापली त्यांची अपरिपक्तवता आहे, असंही शरद पवारांनी नमूद केलं.

Image result for हसीन जहां
लखनऊ : टीम इंडियाचा क्रिकेटपटू मोहम्मद शमीच्या पत्नीने हायव्होल्टेज राडा केला. पत्नी हसीन जहांने शमीच्या घरी जाऊन राडेबाजी केली. हसीन जहां रविवारी रात्री सहसपूर अलीनगर इथे आली. त्यानंतर ती शमीच्या घरी गेली आणि एका खोलीत जाऊन बसली.

शमीच्या नातेवाईकांनी तिला घरातून बाहेर काढलं. त्यावेळी हसीन जहां आणि शमी कुटुंबियांमध्ये वादावादी झाली. त्यावेळी पोलिसांनाही पाचारण करण्यात आलं. पोलिसांनी तपास करुन, हसीन जहां आणि अन्य दोघांना अटक केलं. आज तिला कोर्टात हजर करण्यात येत आहे.

हसीन जहां रविवारी अचानक शमीच्या गावी दाखल होत, त्याच्या घरात आली. शमीच्या नातेवाईकांनी तिला घरात घुसण्यास विरोध केला. मात्र तरीही घरात घुसण्यात ती यशस्वी ठरली. याबाबतची माहिती मिळताच घटनास्थळी पोलीस दाखल झाले. पोलिसांनी शमीच्या पत्नीला ताब्यात घेतलं.

Image result for उर्मिला मातोंडकर

मुंबई: “मी लढतीचा विचार करत नाही. लढतीचा विचार लोकांनी करायचा आहे. लोकांचा चांगला प्रतिसाद आहे. लोक ठरवतील, लोकांनी मतदान करावं”, असं अभिनेत्री आणि उत्तर मुंबईतील काँग्रेस उमेदवार उर्मिला मातोंडकरने  लोकसभा निवडणूक मतदानाबाबत प्रतिक्रिया दिली.

लोकांचा चांगला प्रतिसाद आहे. लोकांनी मतदान करायला हवं. गेल्या महिनाभरात लोकांच्या भेटीगाठी झाल्या, चांगला प्रतिसाद मिळाला, असं उर्मिलाने सांगितलं.

लोकसभा निवडणुकीचा निकाल 23 मे रोजी जाहीर होणार आहे. निकालासाठी काही दिवस शिल्लक आहेत. तोपर्यंत काय करणार असा प्रश्न उर्मिलाला विचारण्यात आला. त्यावर उर्मिला म्हणाली, “जो वेळ असतो तो चांगला वापरायचा असतो”



मुंबई : दक्षिण- मध्य मुंबई लोकसभा मतदारसंघात मनसे अध्यक्ष राज ठाकरे यांनी दादरच्या बालमोहन विद्यामंदिरात मतदान केलं. जवळपास दीड ते दोन तास थांबून राज ठाकरेंनी मतदान केले. यावेळी राज ठाकरे यांचे कुटुंबीयही मतदानासाठी उपस्थित होते. पत्नी शर्मिला ठाकरे, मुलगा अमित यांनीही रांगेत उभं राहून मतदान केलं.

राज ठाकरे यांची महाराष्ट्र नवनिर्माण सेना यंदा लोकसभा निवडणूक लढवत नाही. मात्र राज ठाकरे यांनी राज्यभरात जाहीर सभा घेऊन भाजपला विरोध केला आहे. पंतप्रधान नरेंद्र मोदी आणि भाजप अध्यक्ष अमित शाह यांना राजकीय पटलावरुन हद्दपार करा, अशी हाक राज ठाकरे यांनी दिली आहे. राज ठाकरे यांनी त्यांच्या प्रत्येक सभेत मोदी-शाह हटावचा नारा दिला. त्यांच्या सभांना प्रचंड गर्दी झाल्याचं पाहायला मिळालं. आता राज ठाकरेंच्या सभांचा नेमका कुणाला फायदा होतो हे पाहाणं महत्त्वाचं ठरणार आहे.



कोलकाता : पंतप्रधान नरेंद्र मोदी यांनी पश्चिम बंगालच्या मुख्यमंत्री ममता बॅनर्जींवर हल्लाबोल केलाय. या लोकसभा निवडणुकीच्या निकालानंतर ममता दीदींचे 40 आमदार तृणमूल काँग्रेस सोडणार असल्याचा दावा मोदींनी बंगालमधील सेरमपूर येथील सभेत केला. टीएमसीचे 40 आमदार भाजपच्या संपर्कात असल्याचं ते म्हणाले. पश्चिम बंगालमधील राजकारणात मोदींच्या या दाव्यामुळे खळबळ उडाली आहे. कारण, लोकसभा निवडणुकीपूर्वी टीएमसीचे अनेक खासदार भाजपात आले होते.

पश्चिम बंगालच्या लोकांचा विश्वासघात करणाऱ्या दीदींनी फक्त एवढं लक्षात घ्यावं की लोक चूक माफ करु शकतात, पण विश्वासघात नाही. दीदी, तुमच्या पायाखालची जमीन सरकली आहे. 23 तारखेला लोकसभा निवडणुकीचा निकाल येईल आणि चौफेर कमळ फुललेलं असेल तेव्हा तुमचे आमदारही तुम्हाला सोडून जातील. आजही तुमचे 40 आमदार आमच्या संपर्कात आहेत. दीदी, तुमचं वाचणं कठीण आहे, कारण तुम्ही विश्वासघात केलाय, अशा शब्दात मोदींनी ममता बॅनर्जींवर हल्लाबोल केलाय.

दरम्यान, मोदींनी बंगालच्या मातीने आणि दगडांनी बनवलेला रसगुल्ले मोदींना पाठवणार असल्याचं ममता म्हणाल्या होत्या. यावरही मोदींनी टोला लगावला. ज्या मातीत रामकृष्ण परमहंस यांचा जन्म झाला, ज्या मातीवर स्वामी विवेकानंद, महाप्रभू, जगदीशचंद्र बसू, नेताजी सुभाषचंद्र बोस, श्यामाप्रसाद मुखर्जी यांसारख्या अनेक महापुरुषांचा जन्म ज्या मातीत झाला ते मातीचे रसगुल्ले माझ्यासाठी प्रसाद असतील, असं मोदी म्हणाले.

Image result for कंगना रणावत

मुंबई : लोकसभा निवडणुकीच्या चौथ्या टप्प्यातील मतदानामध्ये अनेक सेलिब्रिटींनी रांगेत उभं राहून मतदानाचा हक्क बजावला. मतदानानंतर प्रतिक्रिया देताना मोठ्या संख्येने मतदान करण्याचं आवाहन या सेलिब्रिटींनी केलं. तर अभिनेत्री कंगना रणावतने आपण सध्या खऱ्या अर्थाने स्वातंत्र्य जगत असल्याचं म्हटलंय.

“हा अत्यंत महत्त्वाचा दिवस आहे. पाच वर्षांमध्ये एकदाच हा दिवस येतो. माझं आवाहन आहे की सर्वांनी मतदानाच्या अधिकाराचा वापर करावा. मला असं वाटतं की माझा देश आज खऱ्या अर्थाने स्वातंत्र्याचा आनंद घेतोय. कारण यापूर्वी आपण सर्व मुघल, ब्रिटीश आणि इटालियन सरकारचे गुलाम होतो. यापूर्वीच्या पक्षांनी लंडनमध्ये सुट्ट्या साजऱ्या केल्या आणि आनंद लुटला”, अशी प्रतिक्रिया कंगनाने दिली.

कंगना नेहमीच तिच्या बिनधास्त बोलण्यासाठी ओळखली जाते. काँग्रेस सरकारवर तिने टीका केली. “काँग्रेस सरकारच्या काळात परिस्थिती वाईट होती. बलात्कार, गरीबी, प्रदूषण यांची आज जी परिस्थिती आहे, या तुलनेत काँग्रेसच्या काळात आणखी वाईट परिस्थिती होती. ही स्वराज्य आणि स्वधर्माची वेळ आहे. आपण मोठ्या प्रमाणात मतदान करायला हवं,” असं आवाहन कंगनाने केलं.



नागपूर : महिलेने महिलेची हत्या केल्याची खळबळजनक घटना नागपुरातील कळमना परिसरात घडली. पतीचे अनैतिक संबंध असल्याच्या रागातून ही हत्या झाल्याचं सांगण्यात येत आहे. याप्रकरणी पोलिसांनी आरोपी महिला, तिचा पती आणि तिच्या आईला अटक केली आहे.

नवऱ्याच्या अनैतिक संबंधाला कंटाळून एका महिलेने आईच्या मदतीने, नवऱ्याच्या प्रेयसीचा काटा काढला. आरोपी पत्नीच्या पतीचे मृत्यू झालेल्या महिलेशी अनैतिक संबंध होते. त्यांच्या या नात्याची कुणकुण पत्नीला लागली होती. त्यानंतर पती – पत्नीची वादावादी झाली.

नवऱ्याचा बाहेरील नाद सोडवण्यासाठी तिने अनेक प्रयत्न केले. मात्र यश येत नसल्याने तिने टोकाचे पाऊल उचलण्याचा निर्णय घेतला. सर्व प्रयत्न करुन सुद्धा नवरा त्याच्या प्रेयसीला भेटणे थांबवत नसल्याने, पत्नीने तिच्या आईच्या मदतीने नवऱ्याच्या प्रेयसीला भेटण्यासाठी बोलावले.

त्यावेळी तिने पुन्हा प्रेयसीला आपल्या नवऱ्यापासून दूर राहण्याचा सल्ला दिला. मात्र प्रेयसीने तिचा सल्ला धुडकावून लावल्याने, दोघींमध्ये कडाक्याचे भांडण झाले. त्यावेळी आरोपी पत्नीच्या आईने प्रेयसीला मागून पकडले. त्यानंतर आरोपी पत्नीने पीडितेच्या पोटात शस्त्राने वार केले. त्यामुळे तिचा जागीच मृत्यू झाला.

Image result for पाणी सुटणार नाही

वीज पुरवठा खंडीत झाल्याने वेळापत्रकात बदल !

अहमदनगर : महापालिकेच्या शहर पाणी योजनेवर शनिवारी दिनांक २७/४/२०१९ रोजी  महावितरणकडून होणार्‍या वीज पुरवठ्यात बिघाड झाल्यामुळे शहराचा पाणीपुरवठा विस्कळीत झाला होता मध्यरात्री १२ : ३० नंतर वीजपुरवठा सुरळीत झाल्यामुळे वसंत टेकडी व सरोष टाकीवरुन होणारा पाणीपुरवठा रविवारी दिनांक २८/४/२०१९ रोजी बंद होता. या भागात सोमवार  दिनांक २९/४/२०१९ रोजी पाणी सोडले जाणार असल्याने रोटेशननुसार पाणीवाटप असलेल्या भागातील पाणीपुरवठा सोमवारी ऐवजी मंगळवारी दिनांक ३०/४/२०१९ रोजी होणार आहे. शनिवारी सायंकाळी ५ : १५ वाजता शहर पाणीपुरवठा योजनेवरील वीजपुरवठा खंडीत झाला होता. त्यामुळे पाणी उपसा बंद होता. मध्यरात्री १२ : ३० नंतर पाणी उपसा सुरू होऊन पहाटे ५ वाजता पाणीपुरवठा सुरळीत झाला. परिणामी, सरोष टाकी व वसंत टेकडी येथून पाणीपुरवठा झाला नाही. या टाक्यांवर अवलंबून असलेल्या भागात आज सोमवारी पाणी सोडले जाणार आहे. त्यामुळे सोमवारी रोटेशन नुसार पाणी वाटपाच्या शहराचा मध्यवर्ती भागातील लालटाकी, दिल्लीगेट, नालेगाव, चितळेरोड, आनंदी बाजार, कापड बाजार, तोफखाना, सर्जेपुरा, माळीवाडा इत्यादी भागाचा पाणी पुरवठा बंद राहणार आहे. या भागात मंगळवारी पाणी सोडण्यात येणार असल्याचे मनपा प्रशासनाकडून कळविण्यात आले आहे.


Image result for मतदान
 

मुंबई : सर्वत्र सध्या लोकसभा निवडणुकीची धामधूम सुरू आहे. लोकसभा निवडणुकीच्या चौथ्या टप्प्यासाठी उद्या सोमवारी 29 एप्रिलला राज्यातील 17 मतदारसंघामध्ये मतदान पार पडणार आहे. या टप्प्यात एकूण 3 कोटी 11 लाख 92 हजार 823 मतदार मतदानाचा हक्क बजावतील. 

त्यात 1 कोटी 66 लाख 31 हजार पुरुष, तर 1 कोटी 45 लाख 59 हजार महिला मतदार आहेत. उत्तर मुंबई लोकसभा मतदारसंघात 332 तृतीयपंथीही मतदानाचा हक्क बजावणार आहेत. चौथ्या टप्प्यातील मतदान प्रक्रियेसाठी निवडणूक यंत्रणा सज्ज झाली आहे.

लोकसभा निवडणुकीच्या चौथ्या टप्प्यासाठी सर्व ठिकाणी सुरक्षा यंत्रणेत वाढ करण्यात आली आहे. मतदानावेळी काही अनुचित प्रकार घडू नये यासाठी महाराष्ट्रात ठिकठिकाणी मतदान केंद्रावर पोलीस सुरक्षा यंत्रणा तैनात करण्यात आली आहे. मुंबई आणि ठाण्यातील 10 जागांवर, तर उत्तर महाराष्ट्रातील 7 जागांवर उद्या मतदान पार पडणार आहे. या पार्श्वभूमीवर मुंबईसह सर्वत्र कडकोट सुरक्षा व्यवस्था पाहायला मिळत आहे.

या लोकसभा मतदारसंघामध्ये 102 विधानसभा मतदारसंघ असून 33 हजार 314 मतदान केंद्र आहेत. या मतदान केंद्रात सुमारे 1 लाख 7 हजार 995 ईव्हीएम (बीयू आणि सीयू), तर 43 हजार 309 व्हीव्हीपॅट यंत्र देण्यात आली आहेत.



पणजी : भारतीय जनता पक्षाने पणजीमध्ये होणाऱ्या पोटनिवडणुकीसाठी आपल्या उमेदवाराचं नाव जाहीर केलं आहे. माजी मुख्यमंत्री मनोहर पर्रिकर यांच्या निधनानंतर रिक्त झालेल्या विधानसभेच्या जागेसाठी ही पोटनिवडणूक घेण्यात येणार आहे. या जागेहून मनोहर पर्रिकर यांचा मुलगा उत्पल पर्रिकर यांनी उमेदवारी देण्यात यावी, अशी मागणी कार्यकर्त्यांकडून करण्यात येत होती. मात्र, कार्यकर्त्यांची मागणी मान्य न करता भाजपने पणजीमध्ये माजी आमदार सिद्धार्थ कुंकळ्येकर यांना उमेदवारी जाहीर केली. याच जागेवरुन माजी मुख्यमंत्री मनोहर पर्रिकर हे गोव्याचे मुख्यमंत्री होते. गेल्या 17 मार्चला पर्रिकरांचं स्वादुपिंडाच्या कर्करोगाने निधन झालं. त्यानंतर ही जागा रिक्त झाली. त्यासाठी पणजीमध्ये 19 मे रोजी पोटनिवडणूक घेण्यात येणार आहे.

पणजी विधानसभेसाठी कुणाला उमेदवारी द्यावी यासाठी, प्रदेश भाजपने पणजी मनपाचे भाजप नगरसेवक, पणजी भाजप मंडळ पदाधिकारी यांची मतं जाणून घेतली. त्यानंतर राज्य निवडणूक समितीने सिद्धार्थ कुंकळ्येकर आणि उत्पल पर्रिकर यांची नावं केंद्रीय समितीपुढे केली होती. त्यानंतर, भाजपने घराणेशाहीला मागे सारत उत्पल पर्रिकर यांना उमेदवारी न देता त्यांच्या जागी एका नव्या उमेदवाराचं नाव जाहीर केलं. वाराणसी येथे पंतप्रधान नरेंद्र मोदी यांच्या प्रचारात केंद्रीय नेते व्यस्त असल्याने पणजीच्या उमेदवाराच्या नावाची निवड करण्यात उशिर झाला. त्यानंतर आज भाजपने सिद्धार्थ कुंकळ्येकर यांच्या नावावर शिक्कामोर्तब केला. सिद्धार्थ कुंकळ्येकर हे पणजी मतदार संघातून दोनवेळा निवडून आले आहेत.


Image result for खली


कोलकाता : जगभरात लोकप्रिय असलेल्या डब्ल्यूडब्ल्यूई कुस्तीप्रकारातील मल्ल खली सध्या पश्चिम बंगालमध्ये भाजपचा प्रचार करीत आहे. त्याच्या प्रचाराला तृणमूल काँग्रेसने आक्षेप घेतला आहे.

तृणमूल काँग्रेसने खलीच्या प्रचाराला आक्षेप घेणारे पत्र निवडणूक आयोगाला लिहिले आहे. खलीने अमेरिकेचे नागरिकत्व घेतले असून, विदेशी नागरिकाला भारतीय मतदारांच्या मतांवर प्रभाव टाकण्यास परवानगी देऊ नये, असे आवाहन तृणमूल काँग्रेसने निवडणूक आयोगाला केले आहे.

Image result for मतदान

मुंबई : वीकेंडच्या सलग सुट्ट्यांमुळे मुंबईकर व ठाणेकर बाहेर फिरायला गेले आहेत. त्याचा परिणाम सोमवारी (ता. २९ एप्रिल) होणा-या लोकसभेच्या मतदानावर होणार असल्याचे स्पष्ट झाले आहे. मुंबईकर लोक मतदानाला मूळातच कमी बाहेर पडतात त्यातच आता वीकेंडच्या सुट्ट्या आल्याने उमेदवारांच्या पोटात गोळा आला आहे.

राज्यातील चौथ्या व अंतिम टप्प्यातील सोमवारी १७ मतदारसंघात मतदान होत आहे. यात नंदुरबार, धुळे, नाशिक, दिंडोरी, शिर्डी, शिरूर, मावळ, ठाणे, कल्याण, पालघर, भिवंडीसह मुंबईतील सहा मतदारसंघाचा समावेश आहे. मात्र, यातील बहुतांश मतदारसंघ शहरी भागातील आहे. त्यामुळे त्याचा मतदानावर परिणाम होण्याची शक्यता आहे.

एप्रिल महिन्यातील शेवटचा शनिवार असल्याने २७ एप्रिल रोजी सुट्टी होती तर २८ एप्रिल रोजी रविवारची सुट्टी आहे. त्यानंतर सोमवारी २९ एप्रिल रोजी मतदान होत असल्यामुळे सुट्टी जाहीर करण्यात आली आहे. त्यानंतर ३० एप्रिल रोजी अनेकांनी सुट्टी टाकलेली आहे. कारण १ मे रोजी महाराष्ट्र दिनाची सार्वत्रिक सुट्टी आहे. त्यामुळे सलग चार-पाच दिवस सुट्टी येत असल्याने कडक उन्हाळ्यामुळे घामाघूम झालेले मुंबईकर बाहेर फिरायला गेले आहेत. रेल्वे स्टेशन, बस स्थानके व खासगी गाड्या व कार यांचे सध्या जोरदार बुकिंग झाल्याचे दिसते. त्यामुळे ठाणेकर व मुंबईकर शहराबाहेर फिरायला गेल्याचे स्पष्ट होते. त्यामुळे सोमवारी होणा-या मतदानावर याचा मोठा परिणाम होणार असल्याचे दिसत आहे. यामुळे उमेदवारांच्या पोटात गोळा आला आहे.

Image result for कन्हैया कुमार

भोपाळ : जेएनयू विद्यापीठातील विद्यार्थी नेता आणि माकपचा बेगुसराई मधील उमेदवार कन्हैया कुमार काँग्रेसचे भोपाळचे उमेदवार दिग्विजय सिंग यांचा प्रचार करणार आहे. दिग्विजय सिंग यांनीच ही माहिती दिली.

मी कन्हैया कुमारचा समर्थक आहे. कन्हैया कुमारच्या विरोधात उमेदवार देऊन राष्ट्रीय जनता दलाने मोठी चूक केली आहे, हे मी माझ्या पक्षाला सांगितले आहे. बेगुसराईची जागा माकपला द्यावी अशी आग्रही भूमिका मी मांडली होती. ८ आणि ९ तारखेला कन्हैया कुमार माझ्या प्रचारासाठी भोपाळला येणार आहे, असे दिग्विजय सिंग पत्रकारांशी बोलताना म्हणाले.

Related image

भोपाळ : प्रधानमंत्री नरेंद्र मोदी यांनी मागील पाच वर्षांत कष्टकरी गरिबांसाठी, मध्यमवर्गीयांसाठी चांगले काम केले आहे. दहशतवाद नक्षलवाद संपविण्यासाठी केलेले काम अजोड असून जनता पुन्हा नरेंद्र मोदींच्या नेतृत्वात एनडीएलाच विजयी करील. देशात पंतप्रधान पुन्हा नरेंद्र मोदी होतील ही काळ्या दगडावरची रेष आहे,असा विश्वास रिपब्लिकन पक्षाचे राष्ट्रीय अध्यक्ष केंद्रीय राज्यमंत्री ना. रामदास आठवले यांनी व्यक्त केला.

भोपाळ येथे रिपाइंच्या बैठकीनंतर पत्रकारांशी बोलताना आठवलेंनी हा दावा केला. मध्यप्रदेशमध्ये लोकसभेच्या एकूण ४० जागा आहेत. त्यात रिपब्लिकन पक्षाने एकूण 5 उमेदवार स्वबळावर उभे केले असून अन्य 35 जागांवर भाजपला पाठिंबा देण्यात आला असल्याची माहिती आठवलेंनी दिली. यावेळी रिपाइंचे राष्ट्रीय सरचिटणीस मोहनलाल पाटील उपस्थित होते.



सिंधुदुर्ग : माझ्या सिंधुदुर्ग जिल्ह्यातील मच्छीमाऱ्यांचे परजिल्ह्यातील नौका येऊन नुकसान करतात. गेली पाच वर्ष सत्तेत असलेले नेते गस्ती नौका देण्याचे नुसतेच आश्वासन देत आहेत. गस्ती नौकाही मिळत नाही आणि बेकायदेशीर मासेमारीलाही आळा बसत नाही. सामान्य मच्छीमारांचे होणारे नुकसान आणि बेकायदा मासेमारी थांबण्यासाठी मत्स्य खात्याला आम्ही स्वखर्चातून गस्ती नौका लवकरच भेट देणार आहोत असे ट्वीट आ. नितेश राणे यांनी आज केले.

त्यांच्या ट्वीटमुळे पालकमंत्री आणि सत्तेतील आमदार तोंडघशी पडले आहेत. ‘देऊ तो शब्द पुरा करू’ हे ब्रीद घेऊन काम करणारे आ. नितेश राणे मत्स्य विभागाला नौका देतील आणि समुद्रातील आक्रमणे रोखली जातील असा विश्वास मच्छीमाऱ्यांकडून व्यक्त केला जात आहे.





संंभाजी ब्रिगेडचे महासचिव शिवश्री सौरभदादा खेडेकर यांचा आज वाढदिवस.सर्वप्रथम त्यांना माझ्या जिल्ह्याच्या वतीने हार्दिक शुभेच्छा देतो.सौरभदादा खेडेकर आज ब्रिगेडचे महासचिव जरी असले तरी एक सर्वसामान्य कार्यकर्ता म्हणूनच मी त्यांच्याकडे पाहतो.कारण त्यांनी आपण महासचिव वगैरे आहोत असे आपल्या वर्तनातून कधीच जाणवू दिले नाही. बालपणापासूनच सर्वसामान्य कार्यकर्त्यांमधे सहज मिसळणारा,मनमोकळे बोलणारा,प्रश्न समजून घेणारा व ते तातडीने मार्गी लावणारा एक कुशल संघटक त्यांच्यामधे दिसून येतो.आई वडिलांचा वारसा जरी त्यांना लाभला असला तरी त्यांनी कधीही या गोष्टीचा अहंकार बाळगला नाही व आपण काहीतरी वेगळे आहोत हे कधीच दाखविले नाही.स्वतःंच्या व्यक्तिमत्त्वाला त्यांनी स्वतःच विकसीत केले व त्या माध्यमातून आज संभाजी ब्रिगेडच्या वाढीसाठी अहोराञ मेहनत घेत आहे.
प्रदेशाध्यक्ष मा.मनोजदादा आखरे यांच्यासोबत त्यांचा अतिशय चांगला समन्वय असून ही अतूट जोडी आज संभाजी ब्रिगेडचा कारभार व्यवस्थितपणे सांभाळत आहे.सौरभदादांनी १००% समाजकारण व १०० % राजकारण हे ध्येय ठरवून आज महाराष्ट्राच्या राजकारणात सामान्य कार्यकर्त्यांसाठी एक नवीन पर्याय उभा केला आहे.त्यामुळे समाजकारणातून राजकारण व राजकारणातून समाजकारण हे नवीन समीकरण महाराष्ट्राच्या राजकारणात पाहायला मिळत आहे.सौरभदादांचा जन्मच मराठा सेवा संघाच्या चळवळीत झाला.लहानपणापासूनच सेवा संघाचे पदाधिकारी,कार्यकर्ते,विचारवंत लेखक यांचा त्यांच्या घरी मुक्त वावर असल्यामुळे त्यांना चहा,पाणी,नाश्ता,जेवण देणे,घरी आलेल्या लोकांची आवभगत करणे ही सर्व कामे सौरभदादांनाच करावी लागत असे.त्यामुळे सेवा संघाची चळवळ त्यांच्या नसानसात भिनली आहे.त्यांच्या समोरच सर्व महत्वाच्या घडामोडी,निर्णय सुरुवातीच्या काळात होत असल्यामुळे त्यांना कुठे,काय, केव्हा व का करायला पाहीजे हे सर्व माहीत आहे.त्यामुळे सौरभदादांना अनुभव नाही हे म्हणणे चूक आहे.आपल्या वडिलांसोबत लहानपणापासून त्यांनी कित्येकदा संपूर्ण महाराष्ट्र पालथा घातला आहे.सामान्य कार्यकर्त्यांच्या घरी मुक्काम केलेला आहे.त्यामुळे सर्व चांगले वाईट अनुभव त्यांनी घेतलेले आहे.तसेच १५ वर्षापासून मा.खेडेकर साहेब सेवा संघाच्या कोणत्याच पदावर नाही.फक्त मार्गदर्शकाची भूमिका ते निभावतात.बाकी सर्व कारभार पदाधिकारीच पाहतात.त्यामुळे ज्या माणसाने अहोराञ मेहनत करुन ही ऐतिहासिक चळवळ उभी केली,त्या व्यक्तीच्या घरातील एखादी व्यक्ती संघटनेत एखादे महत्वाचे स्थान भूषवित असेल तर त्यात काही वावगे वाटून घेण्याचे कारण नाही.
खेडेकर कुटुंबाचा त्याग खूप मोठा आहे. महाराष्ट्रातील मराठा बहुजन समाजाला त्यांनी आपल्या अस्मितेची व इतिहासाची जाणीव करुन दिली आहे.प्रत्येक व्यक्तीत काही दोष असतातच.जगातील कोणतीच व्यक्ती १०० % परिपूर्ण नाही.त्यामुळे ज्या माणसाने ९९ % कामे समाजहिताची केली त्याच्या १ टक्के दोषावर चर्चा करण्याची गरज नसते.म्हणूनच आज मा.खेडेकर साहेबांच्या रुपात आपण सौरभदादांकडे पाहिले पाहीजे.त्यांच्याकडे अनेक चांगल्या गुणांचा संग्रह आहे.नेतृत्व,कर्तृत्व,वक्तृत्व,संघटन,नियोजन,नवीन कल्पना,जगातील घडामोडींची माहिती,राजकारण व समाजकारणाचे भान व जाण आणि भविष्याचा वेध घेण्याची क्षमता या सर्व गुणांनी परिपक्व असलेले समाजशील व्यक्तिमत्त्व म्हणजे सौरभदादा खेडेकर होय.भविष्यात सौरभदादा महाराष्ट्राच्या राजकीय जीवनात निश्चितच मोठी उलथापालथ घडवून आणेल यात यत्किंचितही शंका नाही.जिजाऊ त्यांना हे शिवधनुष्य पेलण्याकरीता शक्ती,युक्ती व आरोग्य प्रदान करो हीच त्यांच्या वाढदिवसाच्या निमित्याने मनोकामना व्यक्त करुन त्यांना हार्दिक शुभेच्छा देतो.
-सोमनाथ नवले (प्रदेश मुख्य समानव्यक -संभाजी ब्रिगेड )


Image result for प्रियंका गांधी

नवी दिल्ली : काँग्रेसच्या महासचिव प्रियंका गांधी या पंतप्रधान नरेंद्र मोदींच्या विरोधात वाराणसी येथून लोकसभा निवडणूक लढवतील अशी शक्यता वर्तवली जात होती. प्रियंका गांधी यांनी स्पष्ट केले की, माझ्या खांद्यावर संपूर्ण उत्तर प्रदेशमधील प्रचाराची जबाबदारी आहे. ४१ मतदारसंघात पक्षाला विजयी करण्याची जबाबदारी माझ्यावर आहे. त्यामुळे एका ठिकाणी राहून मला हे शक्य होणार नाही, असे प्रियंका गांधी यांनी स्पष्ट केले आहे.

प्रियंका गांधी २८ मार्च रोजी रायबरेलीमध्ये काँग्रेसच्या माजी अध्यक्षा सोनिया गांधी यांच्या प्रचारासाठी गेल्या होत्या. कार्यकर्त्यांनी निवडणूक लढवण्याची विनंती त्यांना केली होती. त्यावेळी निवडणूक लढवायची तर मी वाराणसी येथून लढवू का असा प्रतिप्रश्न त्यांनी कार्यकर्त्यांना विचारला होता. ही चर्चा अनौपचारिक स्वरूपाची होती. मात्र त्यानंतर प्रियंका गांधी या खरोखरच वाराणसी येथून निवडणूक लढवणार का, अशी चर्चा राजकीय वर्तुळात सुरू झाली होती. तसेच प्रियंकांनी वाराणसी येथून निवडणूक लढवल्यास पंतप्रधान नरेंद्र मोदींसमोर मोठे आव्हान उभे राहील, अशी शक्यताही वर्तवण्यात येत होती.



 
मुंबई : राष्ट्रवादी काँग्रेसचे अध्यक्ष शरद पवार यांनी पंतप्रधान पदाच्या उमेदवाराबाबत मोठे वक्तव्य केले आहे. जर २०१९ मध्ये एनडीएला बहुमत मिळाले नाही तर ममता बॅनर्जी, मायावती आणि चंद्राबाबू नायडू यांच्यापैकी एक देशाचा पुढील पंतप्रधान असू शकतो. 

या तीन नेत्यांनी आपापल्या राज्याचे मुख्यमंत्रीपद सांभाळले आहे. त्यामुळे ते पंतप्रधानपदाचे सर्वात मोठे दावेदार असतील असे पवारांनी म्हटले आहे. एका वृत्तवाहिनीशी बोलताना पवारांनी याबाबत भाष्य केले. पवारांनी या सर्व प्रकरणात राहुल गांधी यांचे नावही घेतले नाही.

पंतप्रधानपदासाठी आपण कोणत्या तीन नेत्यांना संधी आहे असे मानता? असे शरद पवारांना विचारण्यात आले तेव्हा त्यांनी ममता बॅनर्जी, मायावती आणि चंद्राबाबू नायडू यांची नावे घेतली. तसेच या नेत्यांना राज्य चालविण्याचा व प्रशासनाचा अनुभव असल्याचे सांगितले. या कारणामुळेच पवारांनी त्यांची नावे घेतली. ममता बॅनर्जी 2011 पासून बंगालच्या मुख्यमंत्रीपदी आहेत तर चंद्रबाबू नायडू यांनी दोनदा आंध्र प्रदेशचे मुख्यमंत्रीपद सांभाळले आहे. तर मायावती यांनी उत्तर प्रदेशचे चार वेळा मुख्यमंत्रीपद सांभाळले आहे.

बडगाम हेलिकॉप्टर दुर्घटनेला खळबळजनक वळण

नवी दिल्ली : बडगाममध्ये झालेल्या हेलिकॉप्टर क्रॅशमध्ये हवाईदलाची चूक असल्याचा दावा संरक्षण तज्ज्ञ आणि भारतीय सैन्याचे निवृत्त कर्नल अजय शुक्ला यांनी केला आहे. तसेच ‘कोर्ट ऑफ इन्क्वायरी’ करणाऱ्या अधिकाऱ्यांना तपासाचा अहवाल निवडणुकीच्या आधी प्रसिद्ध न करण्यासाठी दबाव असल्याचेही त्यांनी सांगितले.

 याबाबत त्यांनी बिझिनेस स्टँडर्ड आणि आपल्या ब्लॉगमध्ये सविस्तर माहिती दिली आहे. हवाई दलातील 2 उच्च पदस्थ अधिकाऱ्यांकडून मिळालेल्या विश्वसनीय माहितीच्या आधारे आपण हे सांगत असल्याचेही अजय शुक्ला यांनी सांगितले. श्रीनगर एअर बेसवर संबंधित Mi-17V5 हेलिकॉप्टर पाकिस्तानचे असल्याचे समजून भारताकडून त्याच्यावर क्षेपणास्त्र डागले गेले. त्यामुळे ही दुर्घटना झाली. यात 6 पायलट आणि 1 नागरिक अशा एकूण 7 जणांचा मृत्यू झाला होता.

Image result for दिग्विजय सिंह

भोपाळ : प्रज्ञा ठाकूरने दहशतवादी मसूदला शाप दिला असता, तर सर्जिकल स्ट्राईकची वेळ आली नसती, असे म्हणत काँग्रेस नेते दिग्विजय सिंह यांनी भाजपच्या लोकसभा उमेदवार प्रज्ञा ठाकूर यांच्यावर निशाणा साधला. ते भोपाळमधील अशोका गार्डन येथे आयोजित प्रचारसभेत बोलत होते. भोपाळ मतदारसंघातून भाजपकडून प्रज्ञा ठाकूर आणि काँग्रेसकडून दिग्विजय सिंह निवडणूक मैदानात आहेत.

दिग्विजय म्हणाले, “प्रज्ञा ठाकूर यांनी दहशतवादविरोधी पथकाचे (ATS) प्रमुख हेमंत करकरे यांना शाप दिला. धर्मद्रोही आणि देशद्रोही ठरवले. मात्र, करकरे अशी व्यक्ती आहे, ज्यांनी देशासाठी बलिदान दिले. ते शहीद आहेत.”

Image result for एअर इंडियाची

नवी दिल्ली : एअर इंडियाच्या ‘चेक इन’ सॉफ्टवेअरमध्ये शनिवारी झालेल्या बिघाडाचा फटका आजही विमान उड्डाणांना बसत आहे. आज एअर इंडियाची 137 उड्डाणे उशिराने धावत आहेत. हा विलंब सरासरी 197 मिनिटांचा असल्याची माहिती एअर इंडियाच्या प्रवक्त्यांनी दिली आहे.

एअर इंडियाचे पॅसेंजर सर्व्हिस सिस्टीम (PSS) हे सॉफ्टवेअर प्रवाशांचे चेक इन, बॅगेज आणि रिझर्व्हेशन आदी सेवांचे नियोजन करते. शनिवारी पहाटे 3.30 ते 8.45 वाजेपर्यंत या सॉफ्टवेअरमध्ये तांत्रिक बिघाड झाला होता. त्यामुळे एअर इंडियाच्या जगभरातील उड्डाणांवर परिणाम झाला. यात प्रवाशांचेही अतोनात हाल झाले.

या बिघाडाचा परिणाम शनिवारपर्यंत मर्यादित न राहता, दुसऱ्या दिवशीच्या उड्डाणांवरही झाला आहे. शनिवारी 149 उड्डाणे विलंबाने होती, तर आज 137 विमाने उशिराने उड्डाण करत आहेत.



पनवेल (रायगड) : पनवेलमधील सुकापूर येथील गोकुळधाम भागात पैसे वाटप करताना आणखी एका व्यक्तीला अटक करण्यात आल्याने खळबळ उडाली आहे. प्रताप आरेकर असे अटक करण्यात आलेल्या व्यक्तीचे नाव असून, त्याच्याकडे पार्थ पवार यांची स्लीप आढळून आली आहे.

सुकापुर येथील गोकुळधाम येथे आज दुपारी प्रताप आरेकर याला अटक करण्यात आली. या प्रताप आरेकरकडे मावळ लोकसभा मतदारसंघाचे राष्ट्रावादी काँगेसचे पार्थ पवार यांची स्लीप आढळून आली आहे. तसेच, 200 रुपयांची 29 पाकिटेही प्रताप आरेकरकडून जप्त करण्यात आली आहेत. प्रताप आरेकर हा पार्थ पवारांसाठी काम करत असल्याचा संशय बळावला आहे. याबाबत निवडणूक आयोगाचे कर्मचारी पथक अधिक चौकशी करत आहे.

मावळ लोकसभा मतदारसंघात सलग दुसऱ्या दिवशी निवडणूक आयोगाने कारवाई केली आहे. पनवेल भागातून निवडणूक आयोगाच्या पथाकने आतापर्यंत तिघांना अटक केली आहे. कालच (27 एप्रिल) कामोठे येथे शेकाप आणि राष्ट्रवादीच्या दोन जणांना अटक करण्यात आली होती.


पिंपरी चिंचवड : घरात मुलीच्या लग्नाची धामधूम सुरु होती, लग्नाला अवघा महिना बाकी असताना अपघातात वडिलांचा मृत्यू झाला. पुणे जिल्ह्यातील पिंपरी येथे ही हृदयद्रवक घटना घडली. वाहतुकीचे नियम न पाळल्याने विजय हरिहर यांना जीव गमवावा लागला आहे. विजय हरिहर हे महावितरणे कर्मचारी होते.

विजय हरिहर यांच्या मुलीचं म्हणजे वृषाली हरिहर हिचं 31 मे रोजी लग्न आहे. त्यामुळे घरात लग्नासाठीची गडबड आणि धावपळ सुरु आहे. त्यातच वृषालीच्या वडिलांचं म्हणजेच विजय हरिहर यांचा अपघातात मृत्यू झाला. त्यामुळे हरिहर कुटुंबावर दु:खाचं डोंगर कोसळलं आहे.

मुलीच्या लग्नासाठी विजय हरिहर यांनी मे महिन्याच्या एक तारखेपासूनच सुट्टी काढली होती. शुक्रवारी दुपारी कामावरुन घरी परतत असताना, हरिहर यांनी भरधाव वेगाने गाडी नो एन्ट्रीमध्ये घातली. त्याच वेळेस समोरुन आलेल्या दुचाकीची त्यांना जोरदार धडक बसली. यात विजय हरिहर यांचा जागेवरच मृत्यू झाला, तर दुचाकीस्वार गंभीर जखमी झाला आहे.

घरात लग्न तोंडावर आलं असताना घरातील कर्त्या पुरुषाचा मृत्यू झाल्यामुळे संपूर्ण हरिहर कुटुंबावर दुःखाचा डोंगर कोसळला आहे.



सिन्नर -(प्रतिनिधी)स्वप्नं बघणं आणि ते सत्यात आणणं यात मेहनतीची जोड असावी लागते त्याचंच एक उदाहरण म्हणजे पिंपळे, ता.सिन्नर, जि.नासिक गावचे भुमिपुत्र श्री.रामहरी दगडू बिन्नर यांची Mpsc तून नुकतीच पोलीस उप निरिक्षक पदी निवड झाली. त्याने पिंपळे या खेडेगावातील Mpsc तून निवड होणारा पहिला फौजदार होण्याचा मान मिळवला आहे.

रामचे वडील श्री दगडू विठोबा बिन्नर हे शेतकरी असून शेतीवर त्यांच्या कुटुंबाचा उदरनिर्वाह होत असे, यांचा मोठा मुलगा, रामहरी व मुलगी आशा आणि सुनिता असा मोठा परिवार असून त्यांच्या बेताच्या परिस्थितीत सर्वाना शिक्षण देणे हे शक्य नव्हते याची श्री दगडू बिन्नर यांना याची खंत होती. परंतु मुलगा रामहरी याने शालेय शिक्षण घेत असताना 10 वी मधे ७५ टक्के मार्क्स मिळवुन गोपाल विद्यालय, पिंपळे मधुन प्रथम क्रमांक मिळवला आणि आपली शिक्षणातली आवड बाबांना दाखवून दिली. रामहरी १२ वी सायन्स मधून चांगल्या गुणांनी उत्तीर्ण झाल्याने वडिल दगडू बिन्नर यानी मुलगा रामहरी यास उच्चं शिक्षण देऊन मोठा अधिकारी बनवण्याचा निश्चय केला. परंतु आई वडिल अशिक्षीत असल्याने तसेच त्यांचे कुटुंबात कोणीही उच्चंशिक्षित नव्हते किवा नोकरीला नसल्याने 12 वी नंतर काय करावे यबाबत कोणाचेही मार्गदर्शन मिळाले नाही.

तेव्हा रामहरी याने स्वतः ची वाट स्वतः निर्माण करण्याचा प्रयत्न केला आणि पोलिस भरती होण्याचे ठरवले. पिंपळे या खेडे गावातून पोलिस भरतीची तयारी करुन पोलिस खात्यात प्रवेश करने फारस सोपं नव्हतं. रामहरी याने प्रचंड मेहनत, सतत अभ्यास करुन जिद्द आणी चिकाटीच्या जोरावर २००९ साली ठाणे शहर पोलिस दलात भरती झाला.

पोलीस खात्यात पदार्पण केल्यानंतरही रामहरीस मोठा अधिकारी बनण्याचे वडिलांचे स्वप्न शांत बसू देत नव्हते. पोलिस नोकरी करत 2012 साली रामहरी याने पदवी पर्यंतचे शिक्षण पुर्ण केले आणि mpsc ची तयारी सुरु केली. पोलिस खात्यातील १२ ते १४ तास ड्यूटी, बंदोबस्त, मोर्चा, सभा, आणि सुट्यांचा अभाव या सर्व गोष्टीवर मात करत अभ्यास चालू ठेवला. Mpsc चा अभ्यास करताना काही वेळा अपयश आले परंतु खचून न जाता सतत प्रयत्न, मेहनत करुन आज mpsc मधून पोलिस उप निरिक्षक पदावर निवड झाली. आज खऱ्या अर्थाने वडिलांचे स्वप्नं साकार केले हे खुप कौतुकास्पद आहे.



(मान्हेरे वार्ताहर) अकोले तालुक्यातील कोतुळयेथे पदस्पर्शभुमी सोहळा कार्यक्रम मोठ्या उत्साहात साजरा करण्यात आला. कोतुळचे वतनदार भाऊ दाजी देशमुख यांच्या केस बाबत २७एप्रिल१९४१रोजी बाबासाहेब आंबेडकर हे कोतुळला मुक्कामी आले होते. तेव्हा पासून पदस्पर्श भुमी ह्या नावाने हा कार्यक्रम आयोजित केला जातो.२७एप्रिल रोजी सकाळी नऊ वाजता झेंडा वंदन सोनबा शिंदे यांच्या हस्ते करण्यात आले. त्या नंतर सवाद्य मिरवणूक काढण्यात आली. मिरवणूक नंतर जि.प.सदस्य राजेंद्र देशमुख यांच्या वाड्यात बाबासाहेब आंबेडकर यांच्या प्रतिमेचे पूजन करण्यात आले. त्यानंतर अभिवादन सभा आयोजित करण्यात आली. कार्यक्रमाचे अध्यक्ष उच्च न्यायालयाचे अँड. संघराज रुपवते होते. यात उत्कर्षाताई रुपवते यांनी मार्गदर्शन केले. आजच्या तरुणांच्या हाताला काम मिळाले तरच कार्यकर्ते घडतात. म्हणून आजच्या तरुणांनी उद्योग व्यवसाय सुरू केले पाहिजे असे मत व्यक्त केले. यात तनुजा पवार दिक्षा देठे संभाजी साळवे आदिंची मनोगत व्यक्त करण्यात आली. अध्यक्ष स्थानी बोलताना अँड संघराज रुपवते यांनी हि विचारांची लढाई आहे. शिक्षणाच्या प्रवाहात या असे आवाहन करण्यात आले. या कार्यक्रमाचे आयोजन पोपट सोनवणे संदिप बर्वे नवनाथ वैराळ दिनकर बर्वे साहिल सोनवणे सुरेश देठे भागाजी खरात सुरेश जगधने गौतम रोकडे आदिंनी केले होते. कार्यक्रमास डि.एम. वाकळे सर वसंत भद्रीके रवींद्र देठे एल.सी.हरनामे हौसाबाई जगधने मच्छिंद्र देशमुख राजेंद्र घायवट शंकर जगधने आदी उपस्थित होते. आभार संदिप बर्वे सर यांनी मानले.



बीजिंग : चीनमध्ये सुरू असलेली आयएसएसएफ विश्वचषक स्पर्धा भारताच्या नेमबाजांसाठी ‘लकी’ ठरली आहे. युवा नेमबाज अभिषेक वर्माने १० मीटर एअर पिस्तोल प्रकारात सुवर्णपदक पटकावताना २०२० टोक्यो ऑलिम्पिकसाठी प्रवेश निश्चित केला.

पुरुषांच्या १० मीटर एअर पिस्तोल प्रकारात शनिवारी अभिषेकने २४२.७ गुण मिळवत अव्वल स्थानासह सुवर्णपदकावर नाव कोरले. रशियाचा अर्टेम केर्नोसोवने (२४०.४ गुण) रौप्य आणि दक्षिण कोरियाच्या सेउंगवु हॅनने (२२० गुण) कांस्यपदक मिळवले. अभिषेकसह शझहर रिझवी आणि अर्जुन सिंग चीमा अंतिम फेरीत दाखल झाले होते. मात्र त्यांना अनुक्रमे ३२ आणि ५४व्या स्थानी समाधान मानावे लागले.

मायदेशात (नवी दिल्ली) झालेल्या पदार्पणातील विश्वचषक स्पर्धेत अभिषेकला खेळ उंचावता आला नाही. तो पात्रता फेरीतच बाहेर पडला. मात्र, आशियाई क्रीडा स्पर्धेत पदार्पणात अभिषेकने कांस्यपदकाची कमाई केली होती.



वाडा : भिवंडी लोकसभा मतदारसंघात महायुतीचे उमेदवार कपिल पाटील व महाआघाडीचे काँग्रेसचे उमेदवार सुरेश टावरे यांच्यात प्रमुख लढत होत आहे.तर पालघर लोकसभा मतदारसंघात महायुतीचे राजेंद्र गावित व महाआघाडीकडून बविआचे बळीराम जाधव यांच्यात प्रमुख लढत होणार आहे. भिवंडी लोकसभा मतदारसंघात समाजवादी पक्ष आणि वंचित बहुजन आघाडीकडून होणारी भाजपविरोधी मतांची विभागणी काँग्रेसच्या अडचणीत भर टाकणारी आहे. त्याचबरोबर भाजप उमेदवाराला सेनेचे सहकार्य कितपर्यंत लाभतेय, यावर यशापयश अवलंबून असल्याचे राजकीय सुञाकडून सांगितले जात आहे.

भिवंडी आणि पालघर लोकसभा मतदारसंघातील निवडणुकीचे मतदान 29 एप्रिलला होत आहे. भिवंडी व पालघर लोकसभा मतदारसंघातून महायुतीकडून पुन्हा कपील पाटील आणि राजेंद्र गावित या विद्यमान खासदारांना संधी देवून निवडणूकीच्या रिंगणात उतरविण्यात आले. तर महाआघाडीकडून सुरेश टावरे आणि बविआचे बळीराम जाधव या माजी खासदारांना रिंगणात उतरविण्यात आले आहे.

Image result for मनसे

मुंबई : ‘बोलव रे त्यांना’ करत मनसेकडून भाजपच्या खोट्या जाहिरातीची पुन्हा पोलखोल करण्यात आली आहे. कौशल्य इंडियाच्या माध्यमातून भाजप सरकारने रेखा वाहटूळे नावाच्या महिलेला भाजप योजनांचे लाभार्थी दर्शवणारी जाहिरात केली. मात्र आपण भाजप योजनांचे लाभार्थी नसल्याचा दावा करणारया या महिलेला मनसे नेते संदीप देशपांडे यांनी शनिवारी मनसेद्वारे राजगड येथे आयोजित पत्रकार परिषदेत बोलावले आणि भाजपच्या खोट्या जाहिरातीची चिरफाड केली.

यावेळी देशपांडे यांनी वाहटूळे यांची वृत्तपत्रात आलेली जाहिरात दाखवली. औरंगाबादमधील रेखा वाहटूळे या त्यांचा स्वत:चा मसाल्याचा व्यवसाय चालवतात. मला जेव्हा कौशल्य विकास योजनेबद्दल कळलं तेव्हा मी या योजने अंतर्गत प्रशिक्षण घेतले. या योजने अंतर्गत २० ते ३० टक्के सबसिडी मिळते, कर्ज उपलब्ध व्हायला मदत केली जाते असे सांगण्यात आले. तसेच व्यवसायाचा विस्तार करण्यासाठी बाजारपेठ उपलब्ध करून देण्याचे आश्वासनही देण्यात आले. मात्र या योजनेचा आपल्याला कोणताच फायदा झाला नसल्याचे वाहटूळे यावेळी म्हणाल्या.

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget