March 2018


मुंबई- आज दुपारी तब्बल तीन तास किसान लाँग मार्चच्या आंदोलकांच्या १२ जणांच्या शिष्टमंडळ आणि सरकार यांच्यातील वाटाघाटीची बैठक चालली. विधानभवनातील सचिवालयात ही बैठक पार पडली. आंदोलक मोर्चेकरांकडून आमदार जे पी गावित, अजित नवले, अशोक ढवळे यांच्यासह धनंजय मुंडे, सुनील तटकरे, अजित पवार, राधाकृष्ण विखे पाटील आदींचे १२ जणांचे शिष्टमंडळ उपस्थित होते. तर मुख्यमंत्री देवेंद्र फडणवीस यांच्यासह त्यांच्या समितीतील सहा मंत्री व सचिव दर्जाचे अधिकारी सरकारच्या वतीने उपस्थित होते. मुख्यमंत्री देवेंद्र फडणवीस यांनी बैठकीच्या आधीच आंदोलकांच्या मागण्यांबाबत सरकार सकारात्मक आहे असे म्हटले होते.
मंत्रिगट समितीचे सदस्य गिरीश महाजन या बैठकीनंतर बोलताना म्हणाले, शेतकरी नेते व इतर राजकीय पक्षांच्या नेत्यांच्या उपस्थितीत झालेल्या बैठकीत सकारात्मक निर्णय घेण्यात आला आहे. आंदोलकांच्या १२-१३ मागण्या होत्या. त्या बहुतेक मागण्या सरकारने मान्य केल्या आहेत. आजच्या बैठकीतील चर्चेनंतर आंदोलकांचे शिष्टमंडळ समाधान झाल्याचे गिरीश महाजन यांनी सांगितले.


मुंबई : बारावीच्या रसायनशास्त्राच्या प्रश्नपत्रिकेत चार चुका असल्याचे समोर असल्यामुळे विद्यार्थ्यांना सात गुण बोनस मिळण्याची शक्यता आहे. २८ फेब्रुवारीला बारावीच्या रसायनशास्त्राची परीक्षा होती. त्यामध्ये चार प्रश्नांत छपाईच्या चुका होत्या. विद्यार्थ्यांना या चुकांमुळे सात गुण द्यावे लागणार असल्याची ही शिफारस मुख्य नियंत्रकांनी घेतलेल्या बैठकीत करण्यात आली.
केवळ प्रश्न क्रमांक लिहिला आणि उत्तराची जागा ज्या विद्यार्थ्यांनी मोकळी सोडली, त्यांनाही बोनस गुणांचा लाभ होणार आहे. पण अद्याप कोणतीही शिफारस मिळाली नसल्याचे राज्य बोर्डाचे सचिव कृष्णकुमार पाटील यांनी सांगितले. तज्ज्ञांकडून बारावीची प्रश्नपत्रिका तयार केली जाते, मग या प्रश्नपत्रिकेत एवढ्या चुका कशा, हा प्रश्न उपस्थित होत आहे. दोषींवर या चुकांसाठी कारवाई करावी, अशी मागणी शिक्षण क्षेत्रातील जाणकारांकडून केली जात आहे. बारावीच्या परीक्षेतील चुकांमुळे पुन्हा एकदा बोर्डाचा भों


पुणे : पुणे जिल्हाधिकारी कार्यालयासमोर बैलगाडी शर्यतीवरील बंदी हटवावी, यासाठी बेमुदत धरणे आंदोलन केले जाणार असून त्याचप्रमाणे अखिल भारतीय बैलगाडा संघटनेने ‘पेटा’ संघटनेचा निषेध करत या प्राणीप्रेमी संस्थेवर बंदीची मागणी केली आहे.
या आंदोलनात बैलगाडी शर्यत संघटनेचे पदाधिकारी आणि राज्यभरातील सदस्य बैलगाड्या घेऊन सहभागी होतील, अशी माहिती पदाधिकाऱ्यांनी दिली आहे. बैलगाडा शर्यत केंद्र आणि राज्य सरकारने पुन्हा सुरु करण्यासाठी योग्य आणि ठोस पावले उचलावीत, हा या आंदोलनाचा मुख्य हेतू आहे. त्याचबरोबर अखिल भारतीय बैलगाडा संघटनेची ‘पेटा’ या प्राण्यांसाठी कार्य करणाऱ्या संघटेनवरच बंदी घालावी ही मागणी आहे. बैलगाड्या शर्यतींवर बंदीसाठी प्रयत्नशील असलेल्या पेटाचा निषेध करण्यात येत आहे.
बैलगाडी शर्यतीवर बंदी घालत शेतकऱ्यांवर अन्याय करण्यात आला असल्यामुळे केंद्र सरकार तसेच राज्य शासनाने बैलगाडी शर्यत पुन्हा सुरु करण्यासंदर्भात ठोस निर्णय घेत सर्व अडथळे दूर करावेत, अशी मागणीही या आंदोलनाद्वारे केली जाणार आहे.


लखनऊ – यंदा भाजपचे पाच वेळचे खासदार विनय कटियार यांचे राज्यसभेचे तिकीट कापण्यात आले असून कटियार यांची उत्तर प्रदेशमध्ये राम मंदिरप्रश्नी आंदोलन जिवंत ठेवण्यात महत्वाची भूमिका आहे. भाजपने यंदा उत्तर प्रदेशमधून रिकाम्या झालेल्या राज्यसभेच्या १० जागांसाठी त्यांना उमेदवारी दिली नाही. यावेळी कटियार यांच्यापेक्षा कनिष्ठ सहकाऱ्यांना प्राधान्य देण्यात आल्यामुळे कटियार समर्थकांमध्ये आता चर्चा रंगली आहे. कटियार यांना नरेंद्र मोदींवर राम मंदिर निर्मितीसाठी दबाव आणणे आणि अडवाणी यांना पाठिंबा देण्याची किंमत चुकवावी लागल्याचे त्यांचे निकटवर्तीय दबक्या आवाजात म्हणत आहेत.


नवी दिल्ली : आजपासून सर्वोच्च न्यायालयात अयोध्या राममंदिर प्रकरणी सुनावणी सुरू झाली आहे. त्यानुसार आज सर्वोच्च न्यायालयाने अयोध्या प्रकरणी सर्वोच्च न्यायालयाचा पहिला आदेश दिला आहे.
मुख्य याचिका वगळता सर्व खटले सर्वोच्च न्यायालयाने रद्द केले आहेत. खटल्यात केवळ मुख्य पक्षकाराचीच बाजू ग्राह्य धरली जाणार आहे. इतर याचिकामुळे अनावश्यक हस्तक्षेप होत आहे, असे निरिक्षण सर्वोच्च न्यायालयाचे नोंदवले आहे. रामजन्मभूमी प्रकरण लवकर निकाली काढण्यासाठी हस्तक्षेप केलेल्या याचिका बाजूला केल्या. अनेक संस्था आणि व्यक्तींनी अयोध्या प्रकरणी याचिका दाखल केल्या होत्या. सलमान खुर्शीद, सुब्रमण्यम स्वामी यांच्यासह विविध संस्थांना या खटल्यातून बाजूला केले आहे.


उस्मानाबाद: मुख्यमंत्री देवेंद्र फडणवीस यांचा महत्वाकांक्षी प्रकल्प असलेल्या जलयुक्त शिवारला निधी टंचाईचा मोठा फटका बसला असून लघु पाटबंधारे विभागाकडून करण्यात येत असलेली कामे राज्याच्या घसरत्या आर्थिक परिस्थितीमुळे थांबवण्याचे आदेश देण्यात आली आहेत.
राज्यातील जलयुक्त शिवार कामाच्या प्रगतीचा ३१ जानेवारीला विभागाच्या सचिवांनी आढावा घेतला. त्या बैठकीमध्ये ज्या कामांना कार्यारंभ आदेश दिलेला आहे परंतु काम सुरू झालेली नाहीत अशी सर्व कामे थांबवण्याचे आदेश देण्यात आली आहेत. सध्या विभागाकडे निधी नसल्यामुळे येथून पुढे लघु पाटबंधारे विभागाकडून नवीन कामे घेऊ नयेत असेही आदेश देण्यात आले आहेत. ही अवस्था जर मुख्यमंत्र्यांच्या आवडत्या प्रकल्पाची असेल तर राज्यातील आरोग्य, ग्रामीण, रस्ते, वीज उभारणी यांची काय अवस्था असेल असा प्रश्न पडला आहे.
देवेंद्र फडणवीस यांनी भाजप- शिवसेना सरकार सत्तेत आल्यानंतर, जलयुक्त शिवार हा महत्त्वकांक्षी प्रकल्प हाती घेतला होता. पाणी टंचाईवर मात करण्यासाठी आणि महाराष्ट्र दुष्काळमुक्त करण्यासाठी टंचाई सदृश्य जिल्ह्यात जलयुक्त शिवार अभियान राबवण्यात आले. दोनच वर्षात त्याचा सकारात्मक निकाल दिसून आला. अनेक दुष्काळी गावात पाणी वाहू लागले. पण आता निधीअभावी बहुतांशी ठिकाणी जलयुक्त शिवार अभियान बंद करावे लागत आहे.


मुंबई – दाऊदचा खास हस्तक फारूक टकला दाऊद इब्राहिम लांबच त्याच्या नोकरालाही तुम्ही भारतात आणू शकत नसल्याचे म्हणाला आहे. सध्या सीबीआयचे तपास पथक दुबईत अटक करुन भारतात आणलेल्या फारूक टकला याची चौकशी करीत आहे. पण टकला हा या चौकशीत सीबीआयला तपासात सहकार्य करीत नाही. स्वतःच्या प्रकृतीचा बहाणा तो करीत असल्याचे सीबीआयच्या सूत्रांनी सांगितले.
फारूक टकला याने सुरुवातीच्या चौकशीत सांगितले की, त्याला भारतात शेवटचा श्वास घ्यायचा आहे म्हणून तो त्याच्या मर्जीने आला आहे. त्याच्या दफणविधीला त्याला मुंबईतील काही जागा हवी होती. तो दुबईत पत्नी आणि २ मुलांसह राहत होता. तिथे लपण्यासाठी तो टॅक्सी चालविण्याचे काम करीत होता. त्याचा मोठा मुलगा तेथील महाविद्यालयाचा पदवीधर असून नुकतीच त्याने नोकरी सोडली होती. तर लहान मुलगा हा सध्या पदवीचे शिक्षण घेत आहे. मुंबईत त्याचा भाऊ अहमद त्याच्या आईसोबत राहत आहे. त्याची आई सध्या खूप आजारी असल्याचेही त्याने सांगितले.


वॉशिंग्टन – अमेरिकेचे अध्यक्ष डोनाल्ड ट्रम्प यांनी मंगळवारी ‘सीआयए’च्या संचालक पदी माइक पोम्पेओ यांची नियुक्ती करत परराष्ट्रमंत्री रेक्स टिलरसन यांना पदच्युत केले आहे. विशेष म्हणजे ट्रम्प यांनी ट्विटरवरून टिलरसन आफ्रिका दौऱ्यावर असतानाच ही घोषणा केली.
ट्रम्प यांचे टिलरसन यांच्याशी अनेक दिवसांपासून मतभेद होते. त्यांना या पार्श्वभूमीवरमंत्रिमंडळातून काढण्यात आले. ट्विट करताना ट्रम्प यांनी ‘सीआयएचे संचालक माइक पोम्पेओ नवे परराष्ट्रमंत्री असतील. अतिशय चांगल्या पद्धतीने ते ही जबाबदारी पार पाडतील, असे म्हटले आहे. पण पोम्पेओ यांच्या नियुक्ती बाबत ट्रम्प यांना सिनेटकडून मंजुरी घ्यावी लागणार आहे.
व्हाइट हाउसकडून प्रसिद्ध करण्यात आलेल्या पत्रकात दिलेल्या माहितीनुसार, ट्रम्प यांनी सध्याच्या नाजूक परिस्थितीमध्ये पोम्पेओ हे परराष्ट्र मंत्रिपदासाठी अतिशय योग्य व्यक्ती असल्याचे म्हटले आहे. तसेच पोम्पेओ अमेरिकेचे जगातील प्रतिष्ठेचे स्थान पुनर्स्थापित करणे, मित्रदेशांची आघाडी आणखी मजबूत करणे, शत्रू देशांविरोधातील कारवाईला बळ देणे, कोरियाचा द्विपकल्प अण्वस्त्रांपासून मुक्त करणे यामध्ये महत्त्वाचे योगदान देतील. त्यांच्या लष्कर, सीआयएचे प्रमुख आणि काँग्रेसमधील अनुभवाचा परराष्ट्रमंत्री म्हणून फायदाच होणार असल्याचेही ट्रम्प यांनी म्हटले आहे.

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget