Latest Post



काँग्रेस पक्षानं बॉक्सर विजेंदर सिंह याला दिल्लीच्या दक्षिण दिल्लीतून उमेदवारी जाहीर केली आहे. विजेंदरला उमेदवार जाहीर केल्यानंतर काँग्रेसच्या दिल्लीतील सर्व सात जागांवरचे उमेदवार निश्चित झाले आहेत.

याआधी सोमवारी सकाळी काँग्रेसनं ६ उमेदवारांची नावं निश्चित केली होती. पश्चिम दिल्लीतून महाबल मिश्रा, उत्तर पश्चिम दिल्लीतून राजेश लिलोठिया, नवी दिल्लीतून अजय माकन, पूर्व दिल्लीतून अरविंदर सिंह लवली, उत्तर पूर्व दिल्लीतून शीला दिक्षीत आणि चांदनी चौकमधून जेपी अग्रवाल यांना उमेदवारी जाहीर करण्यात आली आहेत.

दक्षिण दिल्लीमध्ये विजेंदर याचा लढा भाजपच्या रमेश बिधूडी आणि आम आदमी पक्षाचे राघव चड्ढा यांच्याशी होणार आहे. दिल्लीमध्ये १२ मे रोजी मतदान होणार आहे.

राजकारणात एन्ट्री केल्यानंतर विजेंदरनं ट्विट केलं की, बॉक्सिंगच्या माझ्या करिअरच्या २० वर्षांहून अधिक काळात मी नेहमीच माझ्या देशाला रिंगमध्ये सन्मानित केलं आहे.


माझ्या देशवासियांसाठी काही तरी करावं आणि त्यांची सेवा करण्याची आता वेळ आली आहे. मी या संधाची स्विकार करतो. काँग्रेस पक्ष, राहुल गांधी आणि प्रियांका गांधी यांचे आभार मानतो.


मुंबई : महाराष्ट्र नवनिर्माण सेनेचे अध्यक्ष राज ठाकरे यांनी कट- पेस्ट करुन लोकांची दिशाभूल करु नये,
 जे वास्तव आहे तेच मांडा आणि नसेल जमत तर असे बोलू नका अशी टीका शिक्षण मंत्री विनोद तावडे यांनी आज केली.


हरिसालचे वास्तव तेथील उपसरपंचांनी मांडल्यानंतर पत्रकारांनी यासंदर्भात विचारलेल्या प्रश्नांवर तावडे यांनी ही टीका केली.

कॉंग्रेस नेत्यांच्या आश्रमशाळेत मुलींवर लैंगिक अत्याचार आणि लैंगिक शोषण होत आहे.

याप्रकरणी पोलिसांनी केलेल्या कारवाई विरुध्द काँग्रेसचे जिल्हाध्यक्ष सुभाष धोटे आणि माजी मंत्री विजय वडेट्टीवार यांनी लोक पैसे मिळविण्यासाठीच असे आरोप करतात असे निर्लज्जपणे सांगितले.

तावडे यांच्या निदर्शनास आणून दिल्यानंतर ते म्हणाले की, आता आपल्याला राज ठाकरे यांना प्रश्न विचारायचा आहे की मोदी,शहा नको असे तुम्ही आवाहन जर करत असाल तर अशा प्रकारच्या लोकांना निवडुन देण्याचे आवाहन ते आपल्या जाहीर सभेत करणार आहेत का की अशा लोकांवर ते टीका करणार आहात याचे उत्तर त्यांनी जनतेला द्यावे असेही तावडे यांनी स्पष्ट केले.






कणकवली : आमच्यावर दहशतवादाचा आरोप करणारे पालकमंत्री दीपक केसरकर यांच्या सभांना गुंडांची उपस्थिती होती.शिवसेनेला माणसेच मिळत नसल्याने गुंड घेऊन फिरण्याची वेळ आली आहे.

आम्ही मात्र विकासाच्या मुद्दयावर निवडणूक लढविली.त्यामुळे जनता आमच्या पूर्ण पाठीशी राहिल.निलेश राणे ६० हजाराच्या मताधिक्याने निवडणून येतील असा विश्‍वास खासदार नारायण राणे यांनी वरवडे येथे व्यक्त केला.

माजी मुख्यमंत्री खासदार नारायण राणे यानी वरवडे फणसनगर येथे आपला मतदानाचा हक्क बजावला.याप्रसंगी त्यांच्या समवेत सौ.निलमताई राणे,सौ.प्रियांका राणे यांच्यासह स्वाभिमान पक्षाचे पदाधिकारी आणि कार्यकर्ते उपस्थित होते.

मतदानाचा हक्क बजावण्यापुर्वी खास.नारायण राणे यानी वरवडे येथील आपल्या निवासस्थानी भेट देऊन देवदर्शन घेतले होते. नंतर मतदानस्थळी दाखल होत मतदानाचा हक्क बजावल्यानंतर पत्रकारांशी संवाद साधला.

श्री.राणे म्हणाले, गेली ३० वर्षे सिंधुदुर्ग जिल्ह्याच्या विकासासाठी आम्ही प्रयत्नशिल आहोत.जिल्ह्याचा विकास करत असताना जात,पात,धर्म न मानता जिल्हा विकास हेच ध्येय डोळ्यासमोर ठेवुन काम केले.त्यामुळे जिल्ह्याच्या विकासासाठी मतदार निश्‍चितपणे डॉ.निलेश राणे यांच्या पाठीशी ठामपणे उभे राहतील.



कल्याण : कल्याणमध्ये भिवंडी लोकसभेचे महायुतीचे उमेदवार कपिल पाटील यांच्या विजय संकल्प सभेचे आयोजन करण्यात आले होते.

या सभेला मुख्यमंत्री उशीरा आल्याने मुख्यमंत्र्यांनी भाषण तर केले, मात्र भाषणावेळी सभेतील खुर्च्या रिकाम्या होत्या. सभेला विलंब झाल्याने अनेक जणांनी वैतागून सभा सोडून जाणे पसंत केले.

या विजयी संकल्प सभेची वेळ ४ ची देण्यात आली होती. तर ५ वाजता मुख्यमंत्री येणार असे सांगण्यात आले होते. मात्र मुख्यमंत्र्यांना यायला सुमारे ७ वाजले. त्यामुळे सभा सुरु होण्यास तीन तास वेळ लागल्याने नागरिक वैतागले होते.


घरातील कामे आटोपून दुपारपासून अनेक गृहिणी सभा स्थळी आल्या होत्या. मात्र सायंकाळची घरची कामे, जेवण वैगैरे करायचे असल्याने दुपारपासून वाट पहात ताटकळत बसलेल्या या गृहिणींनी संध्याकाळी ७ नंतर आपल्या घरी जाणे पसंत केले. त्यामुळे मुख्यमंत्र्यांच्या भाषणाच्या वेळी अनेक खुर्च्या रिकाम्या होत्या.

डिसेंबर २०१८ ला पंतप्रधान मोदी यांनी कल्याणमध्ये जेव्हा सभा घेतली त्यावेळीही मोदींच्या भाषणा दरम्यान नागरिक निघून गेले होते.

तर अर्ध्याहून अनेक खुर्च्या रिकाम्याच होत्या. तीच परिस्थिती आजच्या भाषणात पाहायला मिळाली. त्यामुळे भाषणाच्या दिवशी लागलेली ही गळती निवडणुकीच्या दिवशी पण लागणार का, अशी चर्चा सर्वत्र सुरु होती



संगमनेर ( प्रतिनिधी ) - 2014 मध्ये मोदींनी मोठ मोठी आश्‍वासने दिली. त्यापैकी एकही आश्‍वासन त्यांनी पुर्ण केले नाही. याउलट काँग्रेसने 70 वर्षात विकासाचे रचनात्मक राजकारण केले आहे. जाहिरातबाजी केली नाही. म्हणून ग्रामीण विकासासाठी पुन्हा कॉँग्रेसचे सरकार आवश्यक असून भाजपाचे सरकार हे ससवेगिरीचे सरकार हे फसवेगिरीचे असल्याची टीका शॅम्प्रोचे अध्यक्ष व जि.प.सदस्य रामहरी कातोरे यांनी केले आहे.

राजापूर, घुलेवाडी येथे आ.कांबळेंच्या प्रचारार्थ जाहीर सभेत ते बोलत होते. यावेळी उमेदवार आ.भाऊसाहेब कांबळे, सिताराम राऊत,भाऊसाहेब कुटे, नवनाथ अरगडे, सुभाष सांगळे, अ‍ॅड. बाबासाहेब गायकर, के.के.थोरात, अभिजीत ढोले, नयना राहाणे, ललिता शिंदे, वंदना गुंजाळ, तुकाराम गुंजाळ, रामनाथ कुर्‍हे, पंढरीनाथ गुंजाळ,नरेंद्र गुंजाळ, जगन आव्हाड, नयना राहाणे आदि मान्यवर उपस्थित होते. 

यावेळी कातोरे म्हणाले कि, जनता आता भाजपा कार्यकर्त्यांना विचारत आहेत.अच्छे दिन चे काय झाले. ? खात्यात 15 लाख कधी येणार ? त्यांनी निवडणुकीपुरते दिलेले आश्‍वासन पूर्णता फसले आहे हे सरकार फसवणूकीचे आहे.त्यांच्याकडे कोणतेही ठोस धोरण नाही.ग्रामीण भागात शेती व शेतकर्‍यांचे मोठे प्रश्‍न आहे. भाजपा सरकार हे शेतकर्‍यांचे प्रश्‍न समजून घेत नाही. दुष्काळाची दाहकता वाढत असतांना मुख्यमंत्र्यांनी दुष्काळ निवारणाचे नियोजन करणे गरजेचे आहे. त्यांचेकडून ते होत नाही. लोकशाहीला मारक असलेल्या भाजप सरकारने अनेकांचे बळी घेतले आहे. हे सरकार आता रायघटनाच बदलू पहात आहे. रिझर्व्ह बँक,सीबीआय,न्यायालय,पत्रकारीता या क्षेत्रांवर त्यांनी निर्बंध्द लादले आहे. धर्माच्या नावावर राजकारण करणार्‍या या सरकारला या निवडणुकीतून हद्दद्दपार करण्याची हीच खरी वेळ आहे. सांगत सर्व कार्यकर्त्यांनी आपापसातील मतभेद विसरून आमदार भाऊसाहेब कांबळे यांना मोठ्या मताधिक्याने निवडून द्यावे असे आवाहनही त्यांनी यावेळी केले.

आमदार कांबळे म्हणाले की, काँग्रेस पक्ष व आमदार बाळासाहेब थोरात यांनी आपल्यावर मोठा विश्वास टाकला असून चांगल्या कामातून आपण हा विश्वास सार्थ ठरवू मागील दहा वर्षात श्रीरामपूरचे आमदार असताना सर्वांना सोबत घेऊन प्रामाणिक काम केले. पारदर्शक, प्रामाणिक काम हीच परंपरा कायम ठेवून शिर्डी मतदार संघाचे नाव विकास कामातून देशात उवल करू. काँग्रेस,राष्ट्रवादी काँग्रेस आघाडी सरकारच्या काळात शेतकर्‍यांना सरसकट 72 हजार कोटींची कर्जमाफी केली. सर्वांना ती मिळाली. कायम शेतकर्‍यांना मदत केली. मात्र भाजपा सरकारने मोठी जाहिरातबाजी करुन कर्जमाफी केली परंतू खूप जाचक अटी टाकल्या.पती पत्नी घेवून दोन दिवस रांगेत उभे राहून ऑनलाईन फार्म भरले.परंतू 1 रुपयाही कर्जमाफी मिळाली नाही. भाजप सरकार हे सर्व आघाड्यांवर अपयशी ठरले आहे. भूलथापा देवून शेतकर्‍यांना फसविले आहे. सर्वांनी विकासाचे सरकार आणण्यासाठी काँग्रेस पक्षाच्या पाठीशी भक्कमपणे उभे राहावे असे आवाहनही त्यांनी केले.

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget